ТЦА: Их тэнгэрт болсон ослын улмаас нэг хүн амиа алдсан
Ковид-19 халдварын тархалт нэмэгдэж байгаа энэ үед байр, орон сууцны үнэ тэнгэрт хаджээ. Байр түрээслэх иргэдийн тоо ихсэх тусам түрээсийн байрны үнэ ч тэр хэмжээгээр нэмэгдсэн байна. Үл хөдлөх хөрөнгө, орон сууцны зах зээлд эрэлт ихтэй байгаа түрээсийн байрны үнийн талаар сурвалжиллаа.
Орон сууцны байрны сарын түрээсийн үнийн талаар байрны эздээс холбогдож тодруулсан юм. Ингэхэд байршил, талбайгаасаа хамаараад нэг өрөө байр 500-700 мянган төгрөг бол хоёр өрөө байр 800 мянгаас сая төгрөг, гурван өрөө байр 900 мянгаас 1.4 сая төгрөгийн төлбөртэй байна.
Байр худалдан авах боломжгүй, түр хугацаагаар оршин сууж байгаа буюу найзуудынхаа хамт байр түрээсэлдэг оюутантай уулзаж цөөн хором ярилцлаа.
“Би оюутан байхаасаа байр түрээсэлж амьдарч байна. Баянзүрх дүүргийн 16-р хороололд хоёр жил байр түрээсэлж амьдарсан. Ингэхдээ нэг өрөө байр сарын 150 мянган төгрөг төлдөг байсан. Харин энэ жил хоёр өрөө байр сарын 700 мянган төгрөгөөр түрээсэлж, барьцаа мөнгө өгсөн. Түрээсийн үнэ өмнөх жилүүдийнхийг бодоход өссөн байна лээ. Дахиад зургаан сараар, бүтэн жилээр төлбөрөө урьдчилж авах шаардлага тавьдаг. Мөн барьцаа төлбөр шаарддаг. Цар тахалтай байгаа энэ үед санхүүгийн боломж муутай байна. Гэтэл төлбөрөө урт хугацаагаар нэг дор шаардаж байгаа нь хүндрэлтэй” гэлээ.
-Цалингийнхаа дийлэнх хувийг байрны түрээсэнд өгч байна-
Залуу хосууд хамтран байр түрээслэх тохиолдол олон байдаг. Тэдний төлөөлөл болсон иргэн “Залуу хосууд болохоор одоохондоо байр худалдаж авч чадахгүй, түрээсийн байр дамжиж амьдарч байна. Байрны үнэ жил ирэх тусам нэмэгдэж байгаа болохоор санаа зовж л байна. Нөхөр бид хоёр цалингийнхаа дийлэнх хувийг байрны түрээсэнд өгдөг. Түрээс төлж амьдарч байхын оронд сар бүр энэ мөнгөө төлөөд байртай болох хөтөлбөр байдаг бол залуучууд бидэнд их дэмжлэг болно гэж боддог. Зээлээр байртай болох гэхээр урьдчилгаа төлбөр төлж чадахгүй юм” хэмээн учирласан.
Зуны урт амралт эхэлж нийслэлд байгаа иргэдийн тоо буурсан ч түрээсийн байр эрэлт ихтэй хэвээр байна. Тиймээс сургууль, цэцэрлэгийн үйл ажиллагаа эхэлж, оюутан, залуус нийслэлд төвлөрөх үеэр байр хайх хүн ихсэн түрээсийн үнэ улам өсөх хандлагатай байна.
0
0
0
0
0
0
0
0
