Ц.Нямдорж: Надад одоогийн байдлаар ямар нэгэн ажлын санал тавиагүй
Монгол Улсын Засгийн газрын өнөөдрийн ээлжит хуралдаанаас гаргасан зарим шийдвэрийн талаар мэдээлэл хийлээ.
Улсын Онцгой комиссын нарийн бичгийн дарга Т.Баярхүү "ХӨСҮТ-ээс гаргасан тооцоогоор 2021 оны 7-р сарын 17-нд орон нутгийн халдварын тоо өдөрт 1300 бүртгэгдэж, эмнэлэгт хэвтэх хүмүүсийн тоо 20 хувиар нэмэгдэх судалгаа гарсан. Тиймээс УОК-оос иргэдийг хот орчмын амралтын газруудад үйлчлүүлэхийг зөвлөж байна. Учир нь эдгээр нь НЗДТГ-тай хариуцлагыг гэрээ байгуулан ажиллаж байгаа юм.
0-18 насны 27480 хүүхэд өвчлөөд байгаа ба нийт тохиолдлын тоо 27 хувийг эзэлж байна. Өчигдрийн байдлаар 2554 хүүхэд эмнэлэгт хэвтэн эмчлүүлж байгаа учраас хүүхдээс шинжилгээ авах шинэ зохицуулалтыг нэмсэн.
Тиймээс аялж байгаа гэр бүлээс түүврийн аргаар буюу нэг том хүн, нэг хүүхдээс түргэвчилсэн шинжилгээ авна. Гэр бүлээрээ болон найз нөхдийн хүрээнд буюу аяллын багийн гишүүдийн тоог таваас хэтрүүлэхгүй, өөр багтай холилдохгүй байхаар зохион байгуулах, аль болох олон нийтийн бөөгнөрөл үүсгэхгүй орон нутагт аялж зугаалах зохицуулалтыг хийж байна.
PCR шинжилгээ 72 цаг, түргэвчилсэн шинжилгээ 48 цагийн хугацаатай явна. Түргэвчилсэн шинжилгээг иргэд эмийн сангаас аваад өгөх боломжтой. Түргэвчилсэн шинжилгээ 25 мянга төгрөг гэсэн ЭМ-мйн сайдын тариф байгаа. Батлагдсан тохиолдол, ойрын хавьтлын шинжилгээг үнэ төлбөргүй авч байгаа. Түүнээс биш иргэд сайн дураараа хөдөө орон нутаг руу явахдаа өгч байгаа шинжилгээг төлбөртэйгөөр авч байгаа. Түргэвчилсэн шинжилгээг иргэд хувийн эмнэлэгт болон эмийн сангаас аваад өрхийн эмнэлгээрээ дамжуулан хийх боломжтой.
Аяллаар явж байгаа иргэд суурин газар, хот айлаар орохгүй. Зөвхөн
- шатахуун,
- хүнс,
- эмийн сан,
- эмнэлгийн тусламж,
- тээврийн хэрэгслийн засвар үйлчилгээ авах тохиолдолд л суурин газраар орж болно.
Өөрөөр хэлбэл орон нутгийн хот суурин газарт амьдардаг танил, ээж аавындаа очиж халдвар тараах эрсдэлтэй. Тиймээс дотнын хүмүүсээ эрсдэлд оруулахгүйн тулд байгальд зөв зохистой амарч, зугаалахыг зөвлөж байна.
Наймдугаар сард дэлхий дахинд дельтавирус 80 гаруй хувийг хамрах тооцоо судалгаа гарсан ба энэ нь өмнөхөөсөө илүү хүндээр нөлөөлдөг, тэр дундаа вакцин хийлгээгүй бол хүнд тусдаг.
Иргэд аялж зугаалахдаа аль болох хот айлаар орохгүй байх, очсон тохиолдолд тусдаа майхан барьж, халдвар хамгааллын дэглэмээ ягштал мөрдөх ёстой. Наадмын өдрүүдэд хур бороо ихтэй байгаа болохоор байгалийн аюулт үзэгдлийн эрсдэл байгааг нийт иргэдэд анхааруулж хэлье.
0
0
0
0
0
0
0
0
