Ч.Хантүмэн: Данс хаачихлаа, дарга нарыг мууллаа гээд ингэв үү
Сүүлийн 24 цагийн хугацаанд улсын хэмжээнд коронавируст халдварын улмаас 37-95 насны 11 хүн нас баржээ. Ингэснээр нийт нас барсан хүний тоо 400 боллоо.
УИХ-ын өнөөдрийн хуралдаан дээр Эрүүл мэндийн сайд С.Энхболд "Манай улс ДЭМБ-д бүртгэлтэй дөрвөн төрлийн вакцин хийж байгаа. Зөвшөөрөгдсөн нь гурав. Нийт хүн амыг хамарсан вакцин бол БНХАУ-ын Синофарм үйлдвэрийн Синовак вакцин юм. Уг вакцин ДЭМБ-д хүлээн зөвшөөрөгдсөн. Халдвар ихсэж буй шалтгаан нь хөл хөдөлгөөнтэй шууд хамааралтай. Өнөөдрийн нас барсан арван нэгэн хүнээс ес нь вакцинд хамрагдаагүй хүмүүс байлаа. Үлдсэн нэг нь хоёрдугаар тунгаа хийлгээд 14-өөс дээш хоноогүй байсан бол нэг нь нэгдүгээр тунгаа хийлгэсэн байсан. Энэ мэт нас баралтын шалтгааны дийлэнх нь хавсарсан суурь өвчтэй хүмүүс байгаа юм. Энэ хүмүүсийн уушгины хатгаа нэмэгдэж, хавсарсан учраас маш амархан эрчимт эмчилгээний тасагт шилжин хүндэрч байна" гэлээ.
Ковидийн халдвар аваад Хан-Уул дүүргийн эмнэлэгт эмчлүүлж байсан нэг жирэмсэн эмэгтэй коронавирусийн хүндрэлээр нас барсан байна.
Зургаадугаар сарын 17-ны байдлаар эмнэлэгт нийт 10248 хүн эмчлүүлж байгаагаас
- 189 хүний бие нэн хүнд
- 891 хүний бие хүнд
- 2830 хүний бие хүндэвтэр
- 6338 хүний бие хөнгөн байна.
Харин гэрийн хяналтад хөнгөн хэлбэрийн 15879 хүн хянагдаж байна.
0
0
0
0
0
0
0
0
