Ч.Хантүмэн: Данс хаачихлаа, дарга нарыг мууллаа гээд ингэв үү
Toya Хүүхэд Хөгжлийн академиас сүүлийн 6 жилийн жилийн туршид олон улсын сампингийн тэмцээнд 78 хүүхэд оролцож дөрвөн аваргын цом, 24 алтан цом, 18 мөнгөн цом авчээ. Энэ оны дэлхийн аварга шалгаруулах тэмцээнд нэгдүгээр түвшний зургаан настнууд тэргүүн байх эзэлсэн байна.
Энэ талаар Toya академийн ХУД дэх салбарын багш Б.Долгорсүрэн,
"Энэ удаагийн тэмцээн онлайнаар болсноороо онцлог. Тэмцээний гурван төрөлд дэлхийн 30 гаруй орны давхардсан тоогоор 17 мянган хүүхэд оролцсон байгаа. Манай Toya академи нь нийт арван түвшинтэй. Аварга болсон хүүхдүүд маань энэ намар аравдугаар сараас хичээллэж эхэлсэн. Тэд дурын гурван оронтой тоон дээр гурван оронтой тоо нэмж хасаж сурсан. Түвшин болгон маань шинэ математикийн үйлдлийг зааж сургадаг. Өөрөөр хэлбэл бутархай тоо, язгуур, язгуураас гаргах, үржих, хуваах гээд бүх л үйлдлүүдийг үздэг юм.
Сургалт маань хүүхдүүдээ урамшуулах маягаар хичээллэдэг. Бага насны хүүхдүүд учраас байнга хүүхдүүдээ хөхүүлэн дэмжиж, эцэг эхүүдтэй нь харилцаа холбоотой байдаг. Сургалтанд 4-14 насны хүүхдүүдийг хамруулдаг. Хугацааны хувьд гэвэл 25 удаагийн оролттой. Үүний дараагаар төгсөлтийн шалгалт авна. Шалгалтаа сайн өгсөн хүүхдүүддээ дараагийн түвшинд нь хөнгөлөлт үзүүлж сертификат олгодог. Хэрвээ хангалтгүй байвал бид хариуцлагаа хүлээн дахиж сургалтанд суулган дахин шалгалт авдаг. Хүүхдүүдэд заавал тухайн түвшний мэдлэгийг бүрэн эзэмшүүлэх гэж зорьдог билээ” гэв
Намайг Хангай гэдэг. Би зургаан настай. Нэгээс зуу хүртэл нэмэх нь сонирхолтой, гоё байдаг. Сампингийн найман минутын төрөл нь бүр гоё. Манай ангийн хүүхдүүд сампингаар хичээллэж эхлэх үед нь би ч мөн дагаад хичээллэсэн. Ингээд тоогоо сайн бодоод дэлхийн аварга болж чадсан. Монгол тэмцээнд би найман минутаар мөнгөн медаль аваад, хамгийн том тэмцээн дээрээ дэлхийн аварга болж чадсан. Цаашдаа би олон тэмцээнд ороод мундаг болж чадна.
Намайг Сүндэръяа гэдэг. Би таван настай. Монголдоо найман минутын аварга болсон. Тэгээд сая дэлхийн аварга болсон. Цаашдаа би олон улсын тэмцээндээ оролцсоор байгаад мундаг болно. Саранцэцэг, Долгорсүрэн хоёр багшдаа баярлалаа.
Намайг Цогт-Очир гэдэг. Надад сампингийн төрлүүдийн дүрэм нь их гоё санагддаг. Би Монголын тэмцээнээс хүрэл медаль авч чадсан. Харин олон улсын тэмцээнд ороод аваргын цомыг авсан. Илүү олон медаль авъя гэж бодож байна. Одоогоор гурван оронтой тоо бодож байгаа. Удахгүй дараагийн түвшиндээ очиж, мянга руу орох болно.
Хангайгийн ээж
Миний хүү сампин дээр нэг оронтой тоо боддог байсан бол өнөөдөр дөрөв, таван оронтой тоог төвөггүй бодож сурсан. Анх улсын тэмцээнд оролцоод хүү маань найман минутын сампинтай төрлөөр мөнгөн медаль, цээж бодолтын төрлөөр хүрэл медаль авсан. Өөрийн эрхгүй баярын нулимс асгардаг юм билээ. Миний хүүгийн хувьд энэ намар сургуульд орно. Сургуульд ороход нь миний хувьд айх зүйлгүй болсон. Хүү маань тэвчээртэй байж, үүрэг даалгавар биелүүлж, сууж сурсан.
Toya Хүүхэд Хөгжлийн газрыг үүсгэн байгуулагч Т.Туяа
Манай Toya хөгжлийн төв 2012 оноос эхлээд 80 гаруй орныг нэгтгэсэн олон улсын боловсролын байгууллагатай франчайсингийн гэрээгээр хамтран ажилладаг. Миний хувьд 40 жил математикийн багш хийж байна. 2008 онд Японд дунд сургуулиудтай танилцаад явж байхдаа Сарабан сампинтай анх танилцаж байсан юм. Улмаар академиа байгуулж Япон хоёр хурууны сампингаар хичээллэж эхэлсэн. Олон улсын франчайс гэрээ байгуулснаас хойш арван хурууны сампин ашигладаг болсон. Үүнээс улбаалан хүүхдүүдийн бодлого бодох, баруун зүүн тархинд нөлөөлөх чадварын хувьд илүү ач холбогдол үзүүлсэн.
Хэрвээ та өөрийнхөө хүүхдийн тархины хөгжлийг дэмжье, баруун зүүн тархины тэнцлийг хангуулъя гэж бодож байвал сампингаар хичээллүүлэх нь хамгийн зөв сонголт юм” гэлээ.
0
0
0
0
0
0
0
0
