Category: УЛС ТӨР2021-06-01

“ӨНӨӨДӨР БАМБАРУУШ КАФЕГ ХУУЧИН ЗОРИУЛАЛТААР АШИГЛАХАА ЗАСГИЙН ГАЗАРТ МЭДЭГДСЭН”

Нийтэлсэн: Админ
2021.06.01 10:52

Монгол Улсын Засгийн газрын ээлжит бус хуралдаан боллоо. Хурлаас гаргасан шийдвэрийн талаар Ерөнхий сайдын хэвлэлийн албанаас мэдээллээ.

Ерөнхий сайдын Хэвлэлийн төлөөлөгч Ч. Болортуяа “Монгол Улсын Засгийн газрын ээлжит бус хуралдаан үргэлжилж байна. Хуралдаанаар 10 орчим асуудал хэлэлцэхээр төлөвлөгдсөн. Эхний асуудал бол хүүхдийн эрхийг хангахтай холбоотой багц асуудлыг хэлэлцсэн. Уг асуудалд:

Үндэсний соёл амралтын хүрээлэнгийн эзэмшлийн газрын зориулалтын бусаар ашиглахыг хориглохыг хориглолоо. Паркын хашаан дотор зориулалтын бусаар баригдсан бүтээн байгуулалтууд байдаг. Тэдгээр байгууллагын эрхийг цуцлах, шинээр зовшөөрөлгүй барилга барихыг хориглолоо.
“Найрамдал” зусланд бүрэн засвар хийхээр болсон. Мөн тухайн газар нутагт шинээр газар олгохгүй байхыг үүрэг болголоо. Түүнчлэн “Найрамдал II” зуслан байгуулах төсвийг ирэх оны улсын төсөвт тусгуулах ажлыг үүрэг чиглэл өглөө.
Хүрээ амаржих газрын барилга байгууламжийг өргөтгөх, бүрэн засвар хийх төсвийг батлуулах, ЭХЭМҮТ-д бүрэн засвар хийх төсвийг 2022 оны улсын төсөвт тусгуулах үүрэг чиглэл өглөө.
Жуковын талбайд ард, аж ахуйн нэгжүүдэд олгогдсон газар эзэмших эрхийг цуцалж, нийтийн эдэлбэр газар болгож тохижуулахыг хотын дарга Д.Сумъяабазарт даалгалаа" гэлээ.

Хүүхэд залуучуудын зориулалтаар байгуулагдсан төр хувийн хэвшлийн эзэмшилд байгаа барилаг байгууламжийг цаашид зориулалтын дагуу ашиглах, үүнийг төр хувийн хэвшлийн хүрээнд шийдэх үүрэг өгсөн. Үүний хүрээнд та бидний сайн мэдэх Бамбарууш кафе зэрэг хувийн хэвшлийнхний мэдэлд очсон байгууламжийг хүүхэд, залуучуудын чиглэлээр анхны үүсгэн байгуулагдсан чиглэлээр ашиглах, ингэж ашигласан тохиолдолд төр хувийн хэвшлийг дэмжих үүрэг чиглэл өгсөн. Үүний хүрээнд өнөөдөр Бамбарууш кафег хуучин зориулалтаар ашиглахаа Засгийн газарт мэдэгдсэн. Хүүхэд, гэр бүлд зориулсан рестораны чиглэлээр Бамбарууш кафен үйл ажиллагааг есдүгээр сарын 1-нд эхлүүлнэ.