Н.Номтойбаяр: Ц.Даваасүрэн төсвийн байнгын xорооны дарга xэвээр байвал өөрчлөлт гараxгүй
ХӨСҮТ-ийн Ерөнхий захирал Л.Баттөр коронавируст халдварын нөхцөл байдлын талаар мэдээллээ.
Тэрбээр "Гамшгийн зэрэглэл буурч буй ч эрсдэл хэвээр байгааг та бүхэн мартаж болохгүй.
Хүүхдүүд, жирэмсэн эх болон эрүүл мэндийн шалтгаануудын улмаас вакциндаа хамрагдаж чадаагүй иргэд бий. Эдгээр иргэний дунд цар тахлын аюул байсаар байгаа. Мөн вакцинаа хийлгэсэн ч халдвар авсан тохиолдол цөөнгүй гарсан. Эхний тунгаа хийлгэсэн иргэдийн нэг хүртэл хувь нь халдвар авсан.
Түүнчлэн хоёр дахь тундаа хамрагдсан ч өвчилсөн тохиолдол гарсан тул вакцинаа хийлгэсэн ч халдвар хамгааллын дэглэмээ үргэлжлүүлэн мөрдөх шаардлагатай байгаа.
Монгол Улсад коронавирусийн мутацилагдсан хэлбэрүүд илэрч байгааг өмнө нь мэдээлсэн билээ. Манай эрдэмтэд Япон улсад судалгааны ажил хийхэд манай улсад тохиолдож буй өвөрмөц буюу мутацилагдсан генийн хэлбэр илэрч байгаа. Иймд сорьцын тоог нэмэгдүүлж, өвчлөлийн хоруу чанар, хүндрэл тархалт нөлөөлж буй эсэхийг нарийвчлан тодорхойлох шаардлага бий.
Түүнчлэн зөөвөрлөгдсөн тохиолдлуудад мутацилагдсан хэлбэр орж ирсэн байхыг үгүйсгэхгүй. Маргаашаас эхлэн бүх нийтийн бэлэн байдлын зэрэглэлийг бууруулж байгаа ч иргэд сэрэмжээ алдахгүй байж, хайртай үр хүүхдүүд, ойр дотны хүмүүсийнхээ эрүүл мэндийн төлөө халдвар хамгааллын дэглэмээ баримтлахыг хүсье" гэсэн юм.
Бид бүх нийтийн бэлэн байдал зарлаад 28 хонолоо. Хөл хорио бид нарын тооцоолж, хүссэн үр дүнд хараахан хүрч чадсангүй. Гэхдээ халдварын нөхцөл байдал өмнөх 7 хоногуудтай харьцуулахад бага зэрэг сайжирсан эерэг үзүүлэлт бий. Иймээс бүх нийтийн бэлэн байдлыг бууруулж байна.
Бүх нийтийн бэлэн байдлын зэргийг бууруулахтай холбоотой тушаал шийдвэрүүд гарсан. Үүнийг байгууллагууд ягштал мөрдөх нь зүйтэй. Цар тахлын аюул холдоогүй байна.
Улаанбаатар хотод вакцинжуулалтын идэвх сайжирч байна. Вакцины нөөц хангалттай бүрдсэн. Иймд орон нутагт дархлаажуулалтыг маш идэвхтэй байна" гэлээ.
0
0
0
0
0
0
0
0
