Н.Номтойбаяр: Ц.Даваасүрэн төсвийн байнгын xорооны дарга xэвээр байвал өөрчлөлт гараxгүй
УИХ дахь АН-ын бүлгийн гишүүд О.Цогтгэрэл даргатай АН-аас Ерөнхийлөгчийн сонгуульд нэр дэвшихээр болоод буй Н.Алтанхуягийн материалыг СЕХ бүртгээгүйтэй холбоотойгоор байр сууриа илэрхийллээ.
УИХ-ын гишүүн Ж.Батсуурь "Ерөнхийлөгчид УИХ-д суудалтай намууд нэр дэвшүүлэх эрхтэй байдаг. Үүний дагуу УИХ-д 13 суудалтай манай нам нэр дэвшигчээ тодруулж, аудитын газар мөрийн хөтөлбөрөө хүргүүлсэн.
Өнөөдөр СЕХ-нд материалаа өгсөн боловч Улсын дээд шүүхийн лавлагаагаар бидний материалыг авах боломжгүй гэсэн. Өдрөөс хойш бид СЕХ-ны гадаа байна. СЕХ улс төрийн өнгө аясаар бидэнд хандлаа. Ингээд бид СЕХ-ны даргад шаадлага хүргүүлээд дараагийн тэмцэлд ороход бэлдэж байна" гэв.
АН-ын дарга О.Цогтгэрэл "Төрийн тэргүүнийг сонгох найм дахь удаагийн сонгуулийн нэр дэвших үйл ажиллагаа болж байна. АН-ын хоёр нэр дэвшигчийн материалыг СЕХ хүлээж авахгүй байна. СЕХ хуулиас давсан эрх мэдэлтэй байж болохгүй.
СЕХ гэдэг байгууллага эрх баригч хүчний заавраар парламентад суудалтай намын нэр дэвшигчийн материалыг авах үгүйг шийдэж байна. С.Эрдэнэ, Н.Алтанхуяг гэдэг хоёр хүнийг богино хугацаанд уулзаж, асуудлаа шийдэхийг уриалж байна.
Дөрөвдүгээр сарын 27-нд Улсын дээд шүүхийн нийт шүүгчдийн хуралдаан болж, С.Эрдэнийг АН-ын даргаар сэргээн бүртгэхээс татгалзсан. Одоо дахин ямар лавлагаа гарч ирэхийг харъя. Бид тэмцлийн дараагийн хэлбэр рүү шилжинэ" гэлээ.
УИХ дахь АН-ын бүлгийн дарга Д.Ганбат "УИХ дахь АН-ын бүлэг Ерөнхийлөгч Х.Баттулгад Үндэсний аюулгүй байдлын зөвлөлийг яаралтай хуралдуулах талаар бичиг өгсөн. Улс төрийн нам эвсэл Ерөнхийлөгчид нэр дэвшүүлдэг. Энэ хүрээнд АН нэр дэвшигчээ тодруулан Ерөнхийлөгчийн сонгуульд нэр дэвшигчээ СЕХ-нд бүртгүүлэх гэсэн боловч хүлээж авсангүй. Одоогийн нөхцөл байдал ямар байгааг та бүхэн мэдэж байгаа.
Улс орны аюулгүй байдал болоод цар тахлын үеийн асуудлаар Үндэсний аюулгүй байдлын зөвлөл хуралдах хэрэгтэй. Иймд Үндэсний аюулгүй байдлын зөвлөлийг нэн яаралтай хуралдуулах талаар бичиг өгөөд байна. Ингээд УИХ дахь АН-ын бүлгийн гишүүд өлсгөлөн зарлахаа мэдэгдэж байна" гэв.
Өнөөдөр 18:00 цаг гэхэд АН нэг нэр дэвшигчийн материалыг авчирбал хүлээн авахаа илэрхийлсэн ч одоог хүртэл хоёр тал болсон АН-ынхан учраа олоогүй хэвээр байна.
Уг асуудлаар СЕХ шуурхай хурал зарлан хуралдаж байна.
0
0
0
0
0
0
0
0
