Ц.Нямдорж: Надад одоогийн байдлаар ямар нэгэн ажлын санал тавиагүй
ЖДҮ эрхлэгч хөл хориог эсэргүүцэн Сүхбаатарын талбайд “Өнгөрсөн 2 жилийн алдагдал сул зогсолтыг хэн төлөх вэ?” бичигтэй самбар барин үзэл бодлоо илэрхийллээ.
Тэрээр “Жижиг дунд үйлдвэрлэгч биш том үйлдвэрлэгч нартаа өгч байгаа болохоор үйлдвэрлэл сэргэхгүй. Үүний тулд бид эдийн засгийн тодорхой мэдлэгтэй байх хэрэгтэй. Хүн болгон хуулийн тодорхой хэмжээний мэдлэгтээ байж, хуульд хяналт тавьдаг байх ёстой. Одоо бидний хууль тогтоолгох гэж сонгосон хүмүүсийн баталж байгаа хуулийг хараарай. Архийг шилээр нь уух уу, халбагдах уу, шанагаар нь уу гэсэн юм яриад сууж байгаа. 30 жил шийдэж чадаагүй С.Зориг агсны хэргийг одоо бүгд улс төрдөө ашигладаг болсон. Монголын улс төрд өнөөдөр ийм л зүйл болж байна. Яагаад гэхээр сонгууль ойртсон, Ерөнхийлөгч дээр хэн очиж, бялуугаа яаж хувааж идэхээ тэд одоо шийдэх гээд байна. Нэг нь дангаараа идэх үү, нөгөөдүүлтэйгээ хувааж идэх үү гэдгээ одоо шийдэх гэж байна. Тиймээс жижиг дунд үйлдвэрлэгчид жинхэнэ ЖДҮ-чдийг Монгол Улсын эдийн засгийг нуруун дээрээ авч явж байгаа жижиг дунд бизнес эрхлэгчдээр золиос хийгээд хүмүүс эрх мэдэлд хүрч байна.
Хүн болгон мэдэж байгаа. Залуу хүмүүс тэр тусмаа мэдэж ойлгож байгаа. Монголчууд ямар хүлцэнгүй ард түмэн юм бэ. Өнөөдөр бид Хонконгийг харж болно. Том хот асуудал биш шүү дээ. Жижиг асуудал дээр бүгдээрээ гараад жагсдаг, тэмцдэг. Залуус нь тийм зоригтой, шударга, шулуун байна. Өнөөдөр тэгэхэд биднийг яаж дээрэлхэж байгаа юм бэ.
Яагаад биднийг хүлцэнгүй номхон болгосныг тайлбарлая. Нэг байрны доодохыг очоод хараарай. Байр болгоны доор нэг караоке, лоунж нэртэй архины газрууд байна. Залуучуудыг архинд оруулсан болсон. Залуучуудын 20-40 хувь нь архины бүрэн хамааралтай болсон. Үлдсэн 20-30 хувь нь төрийн албанд ажиллаж байгаа. Тэднийг дээрээс нь дарамтлаад юу ч яриулахгүй, хэлүүлэхгүй. Үлдсэн 20-30 хувь нь байр, машины лизингээсээ салж чадахгүй байгаа. Ингэж ард иргэдийг номхон хүлцэнгүй болгож байна. Энд том бодлого явж байгаа биз. Ухаангүй төрд урагшгүй албат гэдэг тэр л дээ. Төрөөс гаргаж байгаа бодлого, шийдвэрийн хэрэгжилт нь явахгүй болохоор ийм зүйл болж байгаа юм.
Залуучууд 30 хувь нь архинд орсон, 30 хувь нь төрийн албан хаагч, 30 хувь нь байр, машины лизингээ төлж байгаа үлдсэн 10 хувь нь хувиараа бизнес эрхэлж байгаа.
Бид Оюутолгойгоос ашиг авдаг уу гэдгийг мэдэхгүй, үүнийг хэнд ч ил болгоогүй. Шилэн зүйл байхгүй. Оюутолгой бол тэнэг хүн ч ойлгохоор луйвар шүү дээ. Өнөөдөр Монгол Улс 34 хувийг эзэмшиж байгаа. Ингэхдээ банкнаас маш өндөр хэмжээний зээл авсан. Одоо бид зээлийнхээ өрийг монголчууд баялгаасаа дарж байгаа.
Жишээ нь, Батаа Дорж найзууд. Батаа хашаандаа маш их алттай, зэстэй. Доржид юу ч байхгүй. Дорж Батаад санал тавьсан. Найз нь наад алтыг чинь хажуугийн дэлгүүрээс хүрз зээлээд өгье. Чи наадахаа ух. Чи ухахдаа хүүхдүүдээрээ ухуулаарай. Чи ухуулсны үр дүнд би баялгийн чинь 66 хувийг авна шүү. Чи дэлгүүрт тавьсан зээлээ төлөөрэй. Батаа зээлээ төлөх гээд 34 хувиа бариад очсон чинь зээлийн хүү нь 34 хувиасаа илүү болсон. Тэгээд Монгол Улс баялгаа ашиглуулаад эзэмшүүлээд өөрсдөө ухаад өгч байгаа. Тэгсэн мөртлөө бид дахиад өртэй үлдэж байгаа. Тэнэг хүн ч ойлгогдохоор юмыг тэд хэдэн жил ярьж байна.
Өнөөдөр маш ашигтай ажиллаж байгаа төрийн өмчит үйлдвэрүүд байгаа. Тэднийг ашиггүй ажилладаг гэсэн нэрийн доор төрөөс дахиад мөнгө авдаг. Эд нарыг хувьд шилжүүлээч ээ. Хамгийн гол нь татвар гол зүйлс дээр анхааралтай ажиллах ёстой.
Төр бол хамгийн муу менежер гэж ярьдаг. Үүнийг хийж ажиллуулж чадахгүй. Ялангуяа манай Монгол Улсын төр.
Нийгэм хөгжиж залуучуудын үзэл бодол дээшилсээр байгаа. Би өнөөдөр “Өнгөрсөн 2 жилийн алдагдал сул зогсолтыг хэн төлөх вэ?” гэж асууж байгаа юм. Үүнийг Монгол Улсын төр төлөх ёстой. Гэхдээ үүнийг төлүүлнэ гэж бид бодоод ч хэрэг байхгүй” гэлээ.
0
0
0
0
0
0
0
0
