Ч.Хантүмэн: Данс хаачихлаа, дарга нарыг мууллаа гээд ингэв үү
Монгол Улсын Хөдөлмөрийн баатар, гавьяат тамирчин Н.Түвшинбаяр нь дөрөвдүгээр сарын 2-ны өдөр ХУД-ийн нутаг дэвсгэрт байрлах “Их хуралдай” төвд Монгол Улсын начин Э.Энхбатыг зодож, ухаангүй болтол гэмтээсэн хэрэг гарсан тухай бид өмнө мэдээлсэн.
Энэ хэргийн талаар ЦЕГ-ын хэвлэл мэдээллийн төвийн ахлах мэргэжилтэн, цагдаагийн ахмад М.Мөнхшүрээс тодруулахад "Дөрөвдүгээр сарын 2-ны орой 21:00 цагийн үед тус хэрэг гарч, цагдаагийн байгууллагад дуудлага ирсэн. Одоогоор уг хэргийг Хан-Уул дүүргийн цагдаагийн нэгдүгээр хэлтэст шалгаж байна. Бид ирэх Даваа гаригт албан ёсны тайлбар, мэдээлэл хийнэ" гэв.
Улсын начин Э.Энхбатын гэргий Б.Нандинцэцэг хэвлэлд хандан мэдээлэл өгөв
Тэрбээр "Намайг очиход нөхөр минь цусандаа эдэгдчихсэн байсан. Нүүр ам хувцас хунар нь улаан нялга, танигдахын аргагүй шүд нь байгаа үгүй нь мэдэгдэхгүй, нүд нээгдэхгүй болчихсон, нүд, хөмсөгнийх нь доор мах нь гараад хацар дээр нь аймшигтай улаан мах нь гараад танигдахгүй байсан. Би ёстой шокогд ороод яах учраа олоогүй. Н.Түвшинбаярыг үсдээд, чимхээд, маажаад хаямаар санагдсан боловч цагдаа нар байсан болохоор тэвчсэн. Миний ханийг яаж байгаа юм бэ? гэхэд Н.Түвшинбаяр өөдөөс юу ч хэлээгүй. Надад тухайн үед очингуутаа зураг авах, бичлэг хийх ямар ч сөхөө байгаагүй. Толгойных нь улаан махнууд гарчихсан байсан. Манай нөхрийн өмдний тэлээ цус болсон байсан. Би сая цагдаагийн байгууллагад мэдүүлэг өглөө." гэж зариг.мн-д өгсөн ярилцлагадаа хэлжээ.
Улсын начин Э.Энхбатын биеийн байдал хүнд байна
Улсын начин Э.Энхбат Олимпийн аварга Н.Түвшинбаярт зодуулснаас хүнд гэмтэл авч, Сэхээн амьдруулах тасагт хүнд байна гэж түүний эхнэр Б.Нандинцэцэг өчигдөр цахим хуудаснаа мэдээлж, зургийг нь дэлгэсэн.
Энэ талаар Гэмтэл, согог судлалын үндэсний төвөөс энэ талаар тодруулахад, "Улсын начин Э.Энхбат бусдад зодуулж маш хүнд байдалтай хүргэгдэж ирсэн. Тархи болон бүх биеийн битүү гэмтэлтэй, биеийн байдал маш хүнд Сэхээн амьдруулах, эрчимт эмчилгээний тасагт эмчилгээ эхлүүлээд байна" гэв.
Н.Түвшинбаяр хувийн эмнэлэгт хэвтэн эмчлүүлж байна
Олимпийн аварга, МҮОХ-ны ерөнхийлөгч Н.Түвшинбаярыг Улсын начин Э.Энхбатын эрүүл мэндэд хүнд хохирол учруулсан үндэслэлээр Хан-Уул дүүргийн Цагдаагийн нэгдүгээр хэлтэст шалгаж эхлээд байгаа. Энэ талаар эх сурвалжийн мэдээлснээр "Хэрэг үүсгэн, мөрдөн шалгах үйл ажиллагаа явагдаж байгаа ба ирэх даваа гарагт мэдээлэл хийнэ" гэлээ. Тэрбээр тархины дотуур гэмтэлтэй гэх үндэслэлээр хувийн эмнэлэгт хэвтжээ.
0
0
0
0
0
0
0
0
