Байдены заxиргaa бүрэн эрxийнxээ xугацаанд Украины өрийг тэглэxийг эрмэлзэж байна
АНУ-ын Жоржиа мужийн гурван спа салон руу зэвсэгтэй этгээд халдаж, найман хүн буудаж амийг нь хохироожээ. Тодруулбал, Атланта хотын нэг салонд дөрөв, өөр хоёр салонд мөн дөрвөн хүн буудуулж амиа алдсан байна. Хохирогчдын зургаа нь ази хүмүүс байсан гэж ВВС мэдээллээ.
Албаны хүмүүсийн мэдээлж буйгаар 21 настай залууг баривчилсан бөгөөд бүх халдлагын сэжигтэн байж болзошгүй гэж мэдэгджээ.
Гэсэн хэдий ч Ази гаралтай Америкчуудын эсрэг үзэн ядалтын гэмт хэрэг сүүлийн саруудад ихсэх болсон нь Ковид-19-ийн тархалтад буруутай гэсэн ярианаас үүдэлтэй юм.
АНУ-ын Ерөнхийлөгч Жо Байден өнгөрсөн долоо хоногт хэлсэн үгэндээ Ази гаралтай америкчуудад халдлагад өртөж, дарамтлагдсан, буруутгагдсан, буруутгагдсан хүмүүсийг үзэн ядах харгис хэрцгий гэмт хэргийг буруушаасан юм.
Өмнөд Солонгос улсаас амиа алдсан дөрвөн иргэн солонгос гаралтай хүмүүс байсан гэж мэдээлсэн байна.
Эхний халдлагыг орон нутгийн цагаар 17:00 цагийн орчимд үйлджээ. Хоёр хохирогч газар дээрээ, хоёр нь эмнэлэгт хүргэгдээд амиа алдсан байна. Тэдний хоёр нь ази, нэг нь цагаан арьст эмэгтэй, нэг цагаан арьст эрэгтэй байжээ. Мөн латин америк гаралтай нэг эрэгтэй шархадсан байна.
Цаг орчмын дараа цагдаагийнхан дахин дуудлага хүлээн авч, хэргийн газар очиход бас нэг салонд гурван эмэгтэйг буудсан хэрэг гарчээ. Мөн удалгүй дахин нэг салонд нэг эмэгтэй зэвсэгт халдлага өртөж амь үрэгдсэн байна.
Хэргийн шалтгааныг тодруулахаар мөрдөн шалгах ажиллагаа явуулж байна.
0
0
0
0
0
0
0
0
