Ц.Нямдорж: Надад одоогийн байдлаар ямар нэгэн ажлын санал тавиагүй
Будаг нь ханхалсан Ерөнхий сайд Л.Оюун-Эрдэнэ “10 их наяадын төлөвлөгөө” гэх зүйл танилцууллаа.
Энэхүү төлөвлөгөөнд:
– Жижиг, дунд үйлдвэрлэл, үйлчилгээ эрхлэгчдэд жилийн гурван хувийн хүүтэй, гурван жилийн хугацаатай хоёр их наяд төгрөгийн зээл
– Залуучуудыг ажил, мэргэжилд бэлтгэх, эрүүл чийрэг, идэвхтэй амьдралын хэв маягт хөтлөх хоёр сарын хугацаатай, сарын 500 мянган төгрөгийн тэтгэлэгт сургалтад хамруулахад 500 тэрбум төгрөг
– Эхний ээлжид Улаанбаатар хотод барих “Залуус I, II, III” хорооллын дэд бүтэц, газар олгох, орон сууцыг нэг маягийн зургаар барих, ипотекийн хөнгөлөлттэй зээл олгох зэрэгт гурван их наяд төгрөг
– Стратегийн ач холбогдол бүхий томоохон төсөл, хөтөлбөрүүдийг хэрэгжүүлэхэд хоёр их наяд төгрөг
– Хөдөө аж ахуйн үйлдвэрлэл, малчдын орлого, амьжиргааг дэмжих зорилгоор 500 тэрбум төгрөг
– Монгол банкны жилд нэг их наяд төгрөг байгаа репо санхүүжилтийг хоёр их наяд төгрөг болгож нэмэх гэжээ.
Төлөвлөгөөний эхэнд буй ЖДҮ эрхлэгчдэд жилийн гурван хувийн хүүтэй гурван жилийн хугацаатай хоёр их наяадын зээл олгоно гэсэн нь анхаарал татна.
МАН хүнс хөдөө аж ахуй хөнгөн үйлдвэрийн яамны харьяа ЖДҮ-ийг дэмжих сан гэгчийг цөлмөж, УИХ, ЗГ-ийн 30 гаруй гишүүн нь дунджаар 950 орчим сая төгрөгийн зээл авч, өөрсдийгөө дэмжсэн байдаг. Тэр бүү хэл үүнийгээ тайлбарлахдаа уучлалт гуйж, буруугаа хүлээн зөвшөөрөөгүй ба бид угаасаа л бизнес эрхлэгч, би энэ компанид хувь эзэмшдэг болохоос эзэн нь биш, тэр нэг тэрбумыг чинь буцаагаад өгчихлөө зэргээр тавлаж байв.
Харин ЖДҮ сангийн мөнгийг "тараасан" хэргээр тухайн үеийн ХХААХҮ-ийн сайд Б.Батзориг торгуулийн ял буюу 40 сая төгрөг өгөөд шүүхээс салсаныг эс тооцвол хэн ч хариуцлага хүлээгээгүй. Хариуцлага хүлээж байгаа нь авсан зээлээсээ хэд дахин багыг төлөөд "амарсан". Ийм л хариуцлага хүлээдэг буюу хийж чадаж байгаа юманд арга байхгүй гэж ам таглах үйлдлүүд.
Гэтэл МАН одоо бүр хоёр их наяадын зээл тараах нь ээ. Өмнөх шиг МАН-ын гишүүдэд л олддог, УИХ-ын гишүүдийн л компаниудад очдог ЖДҮ зээл давтагдахгүй байх дээр хэрхэн яаж анхаарах вэ? Тэгш боломж бус МАН-ынхны зарлагаа нөхөх, хөлжих хэрэгсэл нь 10 их наяадын хоёр их наяд нь болчих вий. Нэг ч УИХ-ын гишүүн, нэг ч намчинд очихгүй гэх баталгааг шинэхэн Ерөнхий сайд хэрхэн хийх вэ? зэрэг асуултууд байна. Өрөг.мн сайт энэ талаар сурвалжилж, тасралтгүй “хянаж” ажиллах болно.
0
0
0
0
0
0
0
0
