Байдены заxиргaa бүрэн эрxийнxээ xугацаанд Украины өрийг тэглэxийг эрмэлзэж байна
Ням гарагт АНУ-ын шинэ ерөнхийлөгч Жо байден цагаан ордонд ирснийхээ дараа гэрийн тэжээвэр амьтдаа авч ирсэн байна.Өмнөх ерөнхийлөгч Доналд Трамп 100 гаруй жилийн хугацаанд гэрийн тэжээвэр амьтангүй байсан анхны ерөнхийлөгч болоод байгаа юм. Ерөнхийлөгч Жо Байдены хоёр хоньч нохой болох “Чамп болон Мажор” нар цахим хуудсанд маш олон дагагчтай юм. Жо Байден Чампыг 2008 онд дэд ерөнхийлөгч болохдоо гөлөг байх үед нь авч байжээ.
Майжорыг 2018 онд Делаверийн Хүмүүнлэгийн нийгэмлэгээс өргөж авсан байна. Майжорын нэрийг Жо Байдены хүүхдүүд өгсөн гэнэ.
АНУ-ын үе үеийн ерөнхийлөгч нарын гэрийн тэжээвэр амьдын талаар хүргэж байна.
“Бо болон Санни”
Португалийн усан ноход болох Бо болон Санни нар Брак Обамаг ерөнхийлөгч байхад цагаан ордонд байсан ерөнхийлөгч Брак Обама, Мишээл Обама нарын хайртай ноход юм.
Обама үргэлж “Бүх хүн тэдэнтэй хайртай, зураг авахуулахыг хүсдэг байсан” хэмээн өөрийн хайртай нохдоо магтдаг байжээ.
“Бадди нохой болон Оймс муур”
Билл Клинтон ерөнхийлөгч байх хугацаанд Бадди болон Оймс нарыг тэжээдэг байв.
Тэд ихэвчлэн зодолддог байсан хэмээн Билл Клинтон наргидаг гэнэ. Билл Клинтон хэлэхдээ “Тэд бидний жинхэнэ найз. Эхнэр маань байхгүй үед Бади надад хань болж хамт унтдаг хэмээжээ. Хилари Клинтон нохой болон муурандаа зориулж “Эрхэм хүндэт оймс, хайрт Бадди” хэмээх номыг хүртэл бичиж хэвлүүлж байжээ. Энэ номд тэдний зодоон хийдэг талаар мөн хүүхдүүдийг захидал, дадал зуршлын талаар дэлгэрэнгүй бичсан байдаг гэнэ.
“Биззли болон Барни”
Жорж Буш ерөнхийлөгч байх хугацаандаа Мисс Биззли,Барни нарыг тэжээдэг байжээ. Эдгээр нохойнууд Beazley Christmas, Barney Cam зэрэг видео дээр гардаг байна. Жорж буш ярилцлага өгөх үеэрээ “Тэд бол надад баяр баясал бэлэглэгч өхөөрдөм амьтад” хэмээж байжээ.
“Юки”
Юки Ерөнхийлөгч Линдон Б Жонсоны хамгийн хайртай нохой байв. Тэрээр 1966 онд түүнийг Талархлын баярын өдрөөр өөрийн Техас муж дахь шатахуун түгээх станцаас олсон байна.
“Фала”
Цагаан ордны хамгийн алдартай нохдын тоонд Франклин Д Руквельтийн хайртай Шотландын Терьер Фала ордог байна. Фала өглөө бүр ерөнхийлөгчийн өглөөний цайн дээр яс авч ирдэг байсан гэнэ. Франклин Д Рузвельт Ерөнхийлөгчийн номын сан, музейгээс мэдээлснээр Фалагийн фенүүдийн захидалд хариу бичихээр нарийн бичиг хүртэл авч байсан байна. Фалагийн тухай олон кино хийж байсан гэнэ. Түүний шарилыг ерөнхийлөгч Франклин Д Рузвельтын хөшөөний хажууд дурсгал болгон оршуулсан байна.
“Макарони”
Анхны тэжээвэр амьтад зөвхөн муур нохой байгаагүй юм. Макарони гэх энэхүү одой морь бол Жон Ф Кеннидийн охин Каролайнд өгсөн бэлэг юм. Ерөнхийлөгчийн бусад гэрийн тэжээвэр амьтдын адил Макарани алдартай байсан гэнэ. Тэрээр олон фенээс захидал хүлээн авахаас гадна “LIFE” сэтгүүлийн нүүрэнд хүртэл гарсан байна.
0
0
0
0
0
0
0
0
