Өнөөдөр УИX-ын нэгдсэн чуулгантай
Өнөөдөр УИХ-ын гишүүн Т.Доржханд төрийн ордонд мэдэгдэл хийлээ.
Тэрээр мэдэгдэлдээ "Үндсэн хуулийн цэцэд хандаж Ерөнхийлөгчийн сонгуулийн тухай хуулийг хоёр сарын өмнө баталсан. Гэтэл энэ хууль Үндсэн хуультайгаа нийцэж байна уу. Өмнөх Ерөнхийлөгч нар дахин сонгуульд нэр дэвших үү. Үндсэн хуульдаа тов тодорхой дэвших боломжгүй гээд заачихсан байгаа. Тиймээс энэ асуудлаа Ерөнхийлөгчийн сонгуулийн тухай хуульд тодорхой зааж өгөх ёстой гэж үзэж Үндсэн хуулийн Цэцэд иргэний журмаар хандаж байна. Монгол Улсын Ерөнхийлөгч зөвхөн нэг удаа зургаан жилээр сонгогдоно гэдэг заалтыг Ерөнхийлөгчийн сонгуулийн тухай хуульд тусгаагүй. Энэ зүйл заалтыг 2025 онд хэрэгжүүлнэ гэж байгаад нааш нь татсан. 2021 оны тавдугаар сарын 25-наас хэрэгжинэ гэж өөрчилсөн" хэмээлээ.
Тэрээр Үндсэн хуулийн цэцээс одоогийн Ерөнхийлөгч болон өмнөх ерөнхийлөгч огт нэр дэвших эрхгүй, үүнийг Ерөнхийлөгчийн сонгуулийн тухай хуульд оруулж өгөх ёстой гэж үзэж байгаа талаараа мэдэгдэл хийсэн юм.
0
0
0
0
0
0
0
0
