Н.Номтойбаяр: Ц.Даваасүрэн төсвийн байнгын xорооны дарга xэвээр байвал өөрчлөлт гараxгүй
Засгийн газрын ээлжит хурал өнөөдөр (2020.12.16) болж байна. Хуралдаанаар айлын өрхийн цахилгааны төлбөрийг тэглэхтэй холбоотойгоор гаргасан журмыг хэлэлцэж байгаа юм.
Монгол Улсын Засгийн газраас цар тахлын үед айл өрх бүр болон аж ахуйн нэгжүүдийн хэрэглээний эрчим хүч, дулаан, ус, усан хангамж, хогны төлбөрийг 2020.12.01-нээс 2021.07.01 хүртэл төр хариуцах шийдвэрийг гаргахдаа айл өрх, ААН-үүдийн хэрэглээний тааз тогтоож, үүнээс дээшхийг иргэн, ААН хариуцах байдлаар журамлан зохицуулахыг мэргэжлийн байгууллагуудад (ЭХЯ, ЭХЗХ) зохицуулах үүрэг өгсөн байсан юм.
Засгийн газрын хуралдааны дараа Эрчим хүчний зохицуулах хорооны байранд 10:00 цагаас Эрчим хүчний системийн аюулгүй ажиллагаа болон цахилгааны хэрэглээнд тааз тогтоож, зөрүүг иргэн, ААН хариуцах тухай журмыг олон нийтэд танилцуулахаар болжээ.
Засгийн газрын эх сурвалж "Цахилгааны үнэ чөлөөлөхдөө эрчим хүчний хэрэглээ 10-20 хувь өсөх тооцоог хийсэн байсан. Эрчим хүчний өнөөдрийн асуудал олон 10 жил явж ирсэн асуудал учир жил бүр өргөтөл, засвар хийж яваа. Түүнчлэн Ховд-Эрдэнэбүрэнгийн УЦС-ын ТЭЗҮ, санхүүжилтын асуудлыг өнгөрсөн хоёр жилд шийдсэн. Баруун аймгуудын цахилгааны импортыг орлох учиртай. Мөн Тавантолгойн цахилгаан станцыг барих Засгийн газрын тогтоол, ТЭЗҮ нь тодорхой болсон. Ковидоос хамаарч ажлууд удааширсан тал бий. Ус, дулаан, уур, цахилгаан, хог гээд зардлууд нь суурь үнэд нөлөөлдөг тул иргэн аж ахуй нэгжээ бодож, ганц удаагийн буюу вакцинжуулах хугацаанд төр хариуцаж байгаа шийдэл. Бусдаар бол төгс 100 хувь алдаагүй шийдвэр гаргасан гэж хэлэхгүй. Учир нь эрсдлээс айгаад суугаад байвал халдварын үеийн аж амьдрал илүү дордох том эрсдэлтэйг бодолцсон шийдвэр байсан" гэж тодотголоо.
0
0
0
0
0
0
0
0
