Н.Номтойбаяр: Ц.Даваасүрэн төсвийн байнгын xорооны дарга xэвээр байвал өөрчлөлт гараxгүй
Улсын хэмжээнд ХӨСҮТ-ийн вирус судлалын хоёр лаборатори, ЗӨСҮТ, Сэлэнгэ, Дархан-Уул, Сэлэнгэ, Орхон, Ховд аймгийн салбар лабораторид өчигдөр буюу энэ сарын 9-нд 21470 хүнд шинжилгээ хийхэд Улаанбаатар хотод таван хүнд коронавирус илэрчээ.
ЭМЯ-ны ээлжит хэвлэлийн хурлын үеэр ХӨСҮТ-ийн Тандалт, судалгааны албаны дарга А.Амбасэлмаа мэдээлэхдээ, “Батлагдсан таван тохиолдлын дөрөв нь Улаанбаатар хотод бүртгэгдсэн сүүлийн батлагдсан тохиолдолтой ойр харилцсан /гэр бүлийн гишүүд/ бөгөөд давтан шинжилгээгээр халдвар илэрлээ. Нэг хүн нь ХӨСҮТ-ийн сувилагч байна” гэдгийг тодотгов.
Сүүлийн 24 цагт Сэлэнгэ, Дархан-Уул, Орхон, Дорноговь, Говьсүмбэр, Архангай аймагт халдвар нэмж бүртгэгдээгүй байна. Ингэснээр, манай улсад "COVID-19" халдварын тохиолдол 898 болж байна. Үүнээс 384 хүн эдгэрээд буй юм.
ХӨСҮТ, Цэргийн төв эмнэлэг болон Сэлэнгэ аймгийн нэгдсэн төв эмнэлэгт коронавируст халдвартай 505 хүн эмчлүүлж байна. Тэдний биеийн байдлыг үнэлбэл, нэг нь маш хүнд, тав нь хүнд, 84 нь хүндэвтэр, 415 нь хөнгөн байна.
0
0
0
0
0
0
0
0
