Ч.Хантүмэн: Данс хаачихлаа, дарга нарыг мууллаа гээд ингэв үү
ХӨСҮТ-ийн вирус судлалын хоёр лаборатори, ЗӨСҮТ, Дорнод, Сэлэнгэ, Дархан-Уул аймгийн салбар лабораторид өчигдөр буюу энэ сарын 19-нд нийт 3625 шинжилгээ хийхэд 37 хүнд коронавирус илэрчээ.
ХӨСҮТ-ийн Тандалт судалгааны албаны дарга А.Амбасэлмаагийн мэдээлснээр, Сэлэнгэ аймагт ажиллаж буй ЗӨСҮТ-ийн авто лабораторид 466 хүнд шинжилгээ хийхэд коронавирус илрээгүй. Мөн Дорнод аймгийн лабораторид тандалтын зорилгоор хийсэн 3 сорьцод коронавирус илрээгүй. Өмнөд Судан улсаас 10 дугаар сарын 31-нд ирсэн 214 энхийг сахиулагчийн гурав дахь шинжилгээгээр нэг хүнд халдвар илэрлээ. Алтанбулагийн боомтоор 11 дүгээр сарын 16-нд ирсэн Тир машины нэг жолоочоос халдвар илэрсэн байна. Франкфурт-Улаанбаатрын онгоцоор 10 дугаар сарын 24-нд ирсэн 65 хүн, тусгаарлах байранд үүрэг гүйцэтгэж байгаа 16 эмч, ажилтны шинжилгээний хариу сөрөг гарчээ.
Өчигдрийн 17.00 цагаас хойш 37 хүнээс коронавирус илэрлээ. Тодруулбал, Дархан-Уул аймгийн лабораторид 63 хүний сорьцод шинжилгээ хийхэд 5 хүнд коронавирус илэрсэн байна. Тус аймагт коронавирусийн батлагдсан тохиолдол 16 болж байна. Сэлэнгэ аймагт 10 тохиолдол шинээр бүртгэгдэж нийт 51 болжээ. Дорноговь аймгийн Айраг суманд 1, Замын-Үүд суманд 4 тохиолдол бүртгэгдэж тус аймагт нийт 6 тохиолдол батлагдаж байна. Улаанбаатар хотод шинээр 15 тохиолдол бүртгэгдэж батлагдсан тоо 33 болжээ. Улсын хэмжээнд багц өвчлөлийн тоо 120 болж байна.
Ингэснээр, манай улсад “COVID-19” халдварын тохиолдол 555 бүртгэгдэж буй юм. Үүнээс 335 нь эдгэрчээ. ХӨСҮТ-д коронавирусний халдварын улмаас 213 хүн эмчлүүлж байна.
0
0
0
0
0
0
0
0
