С.Батдөл өнгөрсөн оны 9 сараас хойш амралтын газар галчаар ажиллажээ
Энэ сарын 20-ны өдөр цагдан хорих 461-р ангид шүүх хурлаа хүлээж байсан сэжигтэн, эрэгтэй Н гэгч өөрийгөө боомилсон байж болзошгүй нөхцөл байдалтай олдлоо. Энэ хэргийг Баянгол дүүргийн цагдаагийн газар шалгаж байна. Бид энэ талаар ШШГЕГ-аас тодруулахад “Энэ хэрэгт бид байгууллагын дотоод хяналт, шалгалт явуулж байгаа. Хяналт шалгалтын дүн хараахан гараагүй байна. Мөн хууль журмынхаа дагуу цагдаагийн байгууллага энэ хэрэгт эрүүгийн хэрэг үүсгэн шалгаж байгаа” гэж мэдээлэв. Хэрэгт холбогдсон хүн сэтгэл санааны хүнд нөхцөлд орж, амиа хорлов уу? Эсвэл хорих ангийн “атаманууд”, хорих ангийн хуягуудын дарамтад орж амиа хорлов уу?
Цагдан хорих 461-р ангид хүн амиа хорлосон анхны тохиолдол биш
2019 оны 2-р сарын 24-нд Монгол улсын гавьяат хуульч Л.Бямбаа цагдан хорих 461-р ангид хоригдож байхдаа амиа хорлож, гэрээслэл үлдээсэн байдаг. Мөн ШШГЕГ-ын харьяа хорих 401-р ангид хоригдож байсан иргэн 2020.04.27-нд оргосон.
Төсвийн мөнгөөр төрийн хараа хяналт дор сэжигтэн, хоригдлыг хариуцаж буй ШШГЕГ хариуцлагатай ажиллаж, хорих газарт ч хүний эрхийг хангах үүрэгтэй. Гэтэл тэд удаа дараа хоригдлуудаа алдаж, бас амиа хорлох нөхцөлийг бүрдүүлж байна. Өөрөөр хэлбэл төсвийн мөнгөөр 461-р хорих ангийн өрөө бүрийг камержуулсаны ч хэрэг үл гарна.
Мөн ШШГЕГ хоригдол оргосон, сэжигтэн, ялтан амиа хорлосон зэрэг асуудал үүсвэл хэвлэл мэдээллээр цацуулахгүй байх талаас нь ажиллаж, сэтгүүлчдийн амыг хувийн байдлаа ашиглан үдэхийг оролддог. Харин алдаа гарснаа хүлээж, хэн хариуцлага алдсан, хаана алдаа гарсан зэргээ мэдээлж, цаашид хэрхэн ажиллахаа ярьж мэргэжлийн байхаа мэддэггүй.
Одоогоос 7 жилийн өмнө цагдан хорих 461-р ангид саатуулагдаж байсан Монголын хип хоп холбооны Ерөнхийлөгч Баабар өөрийгөө шатаасан хэрэг гарсан. Энэ хэргийн дараа ШШГЕГ-ийнхан хариуцлага алдсанаа мэдэгдэж, долоон алба хаагчийг ажлаас нь чөлөөлж байв. Өөрөөр хэлбэл хариуцлага алдсан хэн бэ гуайн ч толгойг илээд байвал хариуцлагын дархлаа суухгүй.
Д.Загджав аа ! энэ хэрэгт хэн хариуцлага хүлээх вэ? Хариуцлага хүлээлгэсэн хатуу дарга байх уу? Толгойг нь илсэн "зөөлөн самар" байх уу? Харах л үлдлээ.
0
0
0
0
0
0
0
0
