Өнгөрсөн долоо xоногт 92 гал түймрийн дуудлага иржээ
“Сайн” хэмээх барьцаалан зээлдүүлэх газар (ломбард)-т өнгөрсөн долоо хоногийн даваа гараг буюу гуравдугаар сарын 30-ны 14.45 цагийн үед нүүрээ халхалсан хүмүүс дайран орж, мөнгө, үнэт эдлэл дээрэмдсэн хэрэг гарсан байдаг. Хутгаар зэвсэглэсэн, багтай хоёр залуу ломбардын ажилтныг сүрдүүлж бэлэн 11.5 сая гаруй төгрөг, 1087 хүний барьцаанд тавьсан, 303 орчим сая төгрөгөөр үнэлэгдэх алт, мөнгөн эдлэлийг нь дээрэмдэж хэргийн газраас зугтжээ.
Дээрэмчид нүүрээ битүүлж, баг өмсөн өөрсдийгөө танигдуулахгүй байхыг оролдсон ч НЦУГ-ын Мөрдөн шалгах газар, Баянзүрх дүүргийн Цагдаагийн газрын III хэлтсийнхэн гэмт хэргийн мөрөөр шаргуу ажиллаж, 96 цагийн дотор гэмт этгээдүүдийг олж тогтоон, өнгөрсөн баасан гаргийн 04.00 цагийн үед гэр гэртээ унтаж байхад нь баривчилж дээрэмдсэн эд зүйл, бэлэн мөнгийг нь хураан авч өдгөө мөрдөн шалгах ажиллагааг үргэлжлүүлж байна.
Гэмт этгээдүүд дээрэмдсэн үнэт эдлэлээ Дэнжийн мянгад хүний хөлөөс зайдуу газарт шороонд булсныг нь эд мөрийн баримтаар хураан авчээ. Тэд зөвхөн “Сайн” ломбардыг дээрэмдээд зогсохгүй Сүхбаатар дүүргийн нутаг дахь “Бан бан” хэмээх барьцаалан зээлдүүлэх газарт зэвсэглэн халдсан нь мөрдөн шалгалтын явцад тогтоогдсон байна.
Дээрх хэргийг эрхэлсэн ажилгүй 35 настай Э, 34 настай Д, 31 настай М нар эртнээс төлөвлөн үйлдсэн нь шалгалтын явцад тогтоогдсон. Тэдний хоёр нь өмнө хүний амь бүрэлгэсэн, бусдыг дээрэмдсэн, эд зүйл хулгайлсан хэрэгт ял шийтгүүлж байгаад Эрүүгийн хууль шинэчлэглэгдсэнээр ялаас чөлөөлөгдсөн байжээ.
0
0
0
0
0
0
0
0
