Д.Сүхбаатарын талбайн зүүн, баруун талын авто замын хөдөлгөөнийг түр хаана
2019 оны 12-р сарын 3-нд Дэлхийн эрүүл мэндийн байгууллага КОРОНАВИРУСИЙН тухай мэдээллийг анх олон нийтэд цацсан билээ. Түүнээс хойш Дэлхийн 109 оронд уг вирус тархаж 2020/03/10-ны байдлаар 114,458 хүн өвчилж, 4,027 хүн нас барж, 64,269 хүн эдгэсэн билээ. Харин Монгол улс covid 19 өвчин тархсан 109 дэх орон боллоо. 2020.03.10-ны үүрийн 04.00 цагт Франц улсын иргэн 57 настай эрэгтэй уг халдвараар өвчилсөн нь тогтоогдож ажлын байран дээр нь буюу Дорноговь аймгийн Арева компанийн байранд нь тусгаарлаж байгаад 2020.03.11-ны өглөө ХӨСҮТ-д авч ирээд эмчилгээг эхлүүлээд байна.
Үүнээс улбаалж, Франц иргэнийг Арева компанитай нь хамт шатаая, алъя, дүүжилье гэх хүмүүсийн постууд тасарсангүй. Бид арьс өнгө, шашин шүтлэг, өвчин зовлонгоор нь хүнийг ялгаварлан гадуурхдаг тэр цаг үеэ ардаа орхиж, хүмүүнлэг иргэний ардчилсан нийгмийг цогцлоохоор зүтгэж яваа нийгэм. Гэхдээ бидний өвөг дээдэс ч бусдыг ялгаварлан гадуурхдаг байсан бил үү?
Дэлхий даяаршиж, ХҮН нэг улсад харьяалагдах, нэг улсдаа удаан амьдрах гэдэг ойлголт үгүй болсон. Хэн ч өвдөж, зовж “болно”. Коронавирус бол халдварт өвчин.
Аюулт өвчин бидний дэргэд ирчихсэн, айдас түгшүүртэй байгаа хэдий ч сэтгэл зүйгээ тайван байлгаж, бусдыг үзэн ядахаа умартаж, өдөр тутмын амьдралаа хэвийн үргэлжлүүлцгээе.
0
0
0
0
0
0
0
0
