Д.Сүхбаатарын талбайн зүүн, баруун талын авто замын хөдөлгөөнийг түр хаана
Өнөөдөр Дарханы замд хохирсон нийт иргэдийн төлөөлөл сэтгүүлчдэд хандан мэдээлэл хийлээ.
А.Цэрэнбат: Зам тээврийн яам Дарханы 200 гаруй км замыг засварлаж байгаа. Дээрх чиглэлийн замыг БНХАУ-ын таван байгууллага хамтран засварлаж байгаа гэсэн. Засварын ажлаас болж олон машин эвдэрч, тэр байтугай хүний амь нас эрүүл мэндээрээ хохирч байна.Үүн дээр төрийн захиргааны төв байгууллага болох Зам тээврийн яам, Засгийн газар хариуцлага хүлээх ёстой. Уг замыг Азийн хөгжлийн банкны 190 сая долларын хөрөнгөөр засварлаж байгаа гэсэн мэдээлэл бий.
Намайг мэдээлэл хийсний дараа Дарханы зам дээр явж байгаад хохирсон 200 гаруй иргэн холбогдож хохирлоо нөхөн төлүүлэх тухайгаа хэлсэн.
Зам дээр хайрга чулуу үсэрч, том машины цонх хагарах тохиолдол их гарч байна. Машинуудын дугуй шатаж, хагарсан тохиолдол бол маш их бий. Том тээврийн машины дугуй сардаа 10-20 дугуй элээсэн гэж жолооч нар ярьж байна.
Үүнээс ч илүү Дарханы зам дээр явж байгаад осолд орж, хоёр хөлөө “алдсан”, амь насаараа хохирсон хүмүүс бий. Энэ хүмүүс дуугүй суухгүй тэмцэх болно. Энэ асуудалд төрийн байгууллагууд нь чимээгүй өнгөрч, хариуцлагаас зугтаж байна. Иргэд энэ асуудлаар хаана хандах ёстойгоо мэдэхгүй байна. Бидний зүгээс гаргаж байгаа эхний нэхэмжлэл нь ахиргааны хэргийн шүүхээс гарсан хохирлыг нөхөн төлүүлэх болно.
Хэзээ ашиглалтад орох нь тодорхойгүй Дарханы замыг тодорхой болгох хэрэгтэй. Зам тээврийн сайд хэзээ ашиглалтад орох нь тодорхойгүй шийдвэр гаргахдаа “зугтааж” байна. Тодорхойгүй байдлаас үүдэн иргэд хохирч байна. Бидний нэхэмжлэлийн 400 мянган төрөөс 40 сая төгрөгөөр хохирсон иргэд байна. Амь нас эрүүл мэдлийн тооцож чадахгүй юм. дарханы замын засварын ажил явагдаж байгаа үед нийт 10 хүн амь насаа алдсан байна.
Албан тушаалтнууд нь уучлал гуйх хэрэгтэй. Шүүхээр явж байхад хэн нь буруутай, хэн хариуцлага хүлээх нь тодорхой болно.
Хохирогч жолооч “Дарханы зам дээр явж байгаад би машиныхаа нумыг хугалсан. Дарханы зам явахад маш хүндрэлтэй байдаг.”
Энэхүү замтай холбоотой өөр бусад хэргүүд ч их байна туслан гүйцэтгэх компаниуд ажлаа хийчхээд цалин хөлсөө авч чадахгүй байна. Мөн энэ газар ажиллаж байгаа инженерүүд дарамтлуулсан, хэцүү байгаа зэрэг зарим асуудлыг нууцалж байна. Энэхүү зам засварын ажил цэвэр луйврын ажил боллоо. 190 сая ам доллар гэдэг 500 тэр бум төгрөг.
Шинэ нисэхийн замыг хуучин замыг нь хөндөхгүй байж байгаад шинэ зам тавьсан шиг ажиллах боломжтой байсан. Дарханы түр зам байгуулснаараа нэлээн хэдэн төгрөг “цааш нь” хийж байна.
Замыг хийж байнга технологиудыг харахад хэдхэн жилийн дараа асуудал дагуулахаар харагдаж байна.
Баяр ёслолын үеэр ч иргэд энэ замаар зорчихдоо анхаарал болгоомжтой зорчих хэрэгтэйг ахин сануулсаар байна. Хурдаа тохируулж, осолдсон нэгэндээ туслаарай гэж хэлмээр байна. Хэрэв хохирсон бол тухайн үеийнхээ ослын бичлэг болон зургийг нь дарж нотлох баримт болгоорой. Сэлбэг хэрэгсэл худалдан авсан бол баримт болгох бүрдүүлэх хэрэгтэй байна.
0
0
0
0
0
0
0
0
