Ч.Хантүмэн: Данс хаачихлаа, дарга нарыг мууллаа гээд ингэв үү
Хятадын Хүбэй мужийн Ухань хотоос коронавирусийн халдвар тархаж өдгөө Дэлхийн 28 оронд уг вирусээр 37.556 хүн өвчилж, 814 хүн нас барж, 2769 хүн эдгээд байна. Дэлхийн эрүүл мэндийн байгууллагаас онц байдал зарлаж, Монгол улс ч хөл хорио тогтоож, олон нийтийн бүх арга хэмжээг цуцалж, цэцэрлэг сургуулиудыг хаагаад байна.
Гэтэл Улаанбаатар их дэлгүүр “КОРОНАВИРУС ГАЙ Л БАЙНА ЭДГЭЭЖ Л ТААРАА”, Улаанбаатар их дэлгүүрээр ирж үйлчлүүл гэсэн үг, утга бүхий зар сурталчилгааг телевизүүдээр цацлаа.
Зар сурталчилгааны тухай хуулийн 7.1.2-т зааснаар “хүний амь нас, эрүүл мэнд, аюулгүй байдалд гэм хор учруулах үйлдэл, үйл ажиллагаанд хүргэж болзошгүй” зар сурталчилгааг хориглож, хууль бус зар сурталчилгаа гэж үздэг. Мөн энэхүү хуульд “итгэмтгий байдлыг нь ашиглан хэрэглэгчдийг төөрөгдөлд оруулсан зар сурталчилгааг зүй бус сурталчилгаанд тооцно” гэсэн заалт бий.
Өвчин зовлон гарч, олон зуун хүн амь насаа алдаж, Монгол улс ч өндөр эрсдэлтэй улсын тоонд багтчихаад байгаа үед үзэгчдийг төөрөгдөлд оруулсан реклам цацаж буй Улаанбаатар их дэлгүүрт хуулийн дагуу хариуцлага хүлээлгэе.
Телевизүүд ч уг зар сурталчилгааг түгээхгүй байж, түгээвэл хуулийн өмнө хариуцлага хүлээх ёстойг холбогдох байгууллага нь сануулах шаардлага байна.
ХУУЛИЙН ӨМНӨ БҮГД ЭРХ ТЭГШ БАЙХ ЁСТОЙ.
0
0
0
0
0
0
0
0
