Өвлийн олимпын цасан замд Монгол Улсаас гурван тамирчин уралдана

Өвлийн Олимп 2026 онд Европ тивд эргэн ирж буй

Дээрх өгүүлбэрээр өвлийн олимпыг тодотгосны учир нь хамгиийн сүүлд буюу 2010 онд Канад улсын Ванкувер хотноо өвлийн олимп зохиогдож байв. Тэр цагаас хойш 2010 онд ОХУ-ын Сочи, 2014 онд БНСУ-ыг Пёнчан, 2022 онд БНХАУ-ын нийслэл Бээжин хотуудад тус тус зохион байгуулж байсан.

Тэгвэл энэ удаад Италийн Милан болон Кортина д’Ампеццо хотуудад XXV Өвлийн Олимпын наадмыг 2026 оны 2 дугаар сарын 6-22-ны өдрүүдэд зохион байгуулна. “Милано-Кортина 2026” нэрээр нэрлэгдсэн энэхүү наадамд 93 орны 3,500 тамирчин оролцож, 16 төрлийн спортоор 116 медалийн төлөө шилдгүүд медалийн тавцанд зогсоно.

Монголын баг тамирчид:

Өвлийн XXV Олимпын наадамд Монгол улс Гүйлтийн цанын төрлөөр 2 тамирчин оролцох эрх аваад байна. Тодруулбал,

• Цанын Үндэсний шигшээ багийн тамирчин, ОУХМ Б.Ачбадрах

• Цанын Үндэсний шигшээ багийн тамирчин, ОУХМ Э.Ариунтунгалаг

• Цанын Үндэсний шигшээ багийн тамирчин, ОУХМ Э.Ариунтунгалаг

Уулын цанын төрөлд Монгол Улсын тамирчид анх удаа эрхээ аваад буй.

Монгол Улсын цанын Үндэсний шигшээ багийн тамирчин Алтанзулын Ариунбат уулын цанын төрлөөр анх удаа олимпын эрх аваад байгаа юм. Монгол Улсын цанын Үндэсний шигшээ багийн тамирчин А.Ариунбат нь Арабын Нэгдсэн Эмират Улсын Дубай хотын дотор байгууламж дахь цанын баазад зохион байгуулагдсан 4 гараатай олон улсын тэмцээнд 6 дугаар байр эзлэн 88.55 оноо, 7 дугаар байр эзлэн 94.94 оноо тус тус авч, 2026 оны олимпын эрхийн 5 гарааны дундаж оноо 120 онооноос доош байх шаардлага болзлыг биелүүлж 108.18 онооны дунджаар “Милан-Кортина-2026” өвлийн XXV дахь удаагийн олимпод оролцохоор болж, түүхэн амжилт гаргасан.

Ингэснээр Монгол Улсаас “Милан-Кортина-2026” өвлийн олимпт нийтдээ 3 тамирчин оролцохоор болж, эрхээ албан ёсоор баталгаажуулаад байна.

Олимпын наадмын нээлтийн үйл ажиллагаа Сан сиро цэнгэлдэхэд болох бөгөөд хаалт нь Верона Аренад зохион байгуулахаар төлөвлөжээ.

Тасалбарын мэдээлэл

2026 оны Милан-Кортина өвлийн Олимпийн тасалбарын үнийг зарласан бөгөөд эхний хоккейн тоглолтуудын тасалбар 30 еврогоос ($33) эхэлж, Веронагийн түүхэн Арена дахь хаалтын ёслолын дээд зэрэглэлийн суудал нь ойролцоогоор 3,000 евро ($3,300)-гийн хооронд хэлбэлзэж байна.

Монголчууд өвлийн олимпийн наадамд оролцсон түүх

Хамгийн анх Монгол Улсын баг тамирчид Австр улсын Инсбрук хотноо болсон өвлийн олимпийн наадамд хөл тавьж байв.

Энэ наадамд гүйлтийн цанаар Б.Дамдинжав, Б.Дашгай, Д.Баадай, Л.Дашдэмбэрэл, С.Нацагдорж, Б.Зундуй, Ж.Жавзандулам, Д.Пүрэвлоов, биатлоны төрлөөр Б.Дамдинжав, Б.Дашгай, Ц.Данзан, гүйлтийн тэшүүрээр Л.Цэнд, Л.Дашням, Ц.Лхамжав нар оролцсон нь олимпын наадамд анх удаа хурд, хүчээ сорьсон монгол тамирчид болж түүхэнд тэмдэглэгдэн үлджээ.

Монгол улс ийнхүү “Инсбрук-1964” өвлийн IX олимпын наадамд тэшүүрийн спортын төрөлд гурав, цанын спортын төрөлд 11 тамирчнаа илгээсэн нь өвлийн олимпын наадмын түүхэнд хамгийн олон Монгол тамирчин оролцсон тохиолдол юм. Тус наадамд Монголын багийн тугчаар Л.Цэнд /өдгөө гавьяат тамирчин/ оролцсон бол тэшүүрийн спортын төрөлд Ц.Лхамжав /гавьяат тамирчин/ Монголын өвлийн спортын түүхэнд тэшүүрийн төрлөөр оролцсон цорын ганц эмэгтэй тамирчин. Мөн биатлоны төрөлд өрсөлдсөн Б.Дамдинжав 14 орны 51 тамирчнаас 38 дугаар байрт орсон нь Монголын өвлийн олимпын наадмын түүхэнд үзүүлсэн хамгийн өндөр амжилт болж үлдсэн билээ.

Мөн Монголчууд үүнээс хойш тасралтгүй өвлийн олимпын наадамд оролцож байв.

• “Гренобыль-1968”,
• “Саппоро-1972”,
• “Лейк-Плэсид-1980”,
• “Сараево-1984”,
• “Калгари-1988”,
• “Альбервилль-1992”,
• “Лиллехамер-1994”,
• “Нагано-1998”,
• “Солт-Лейк-2002”,
• “Турин-2006”,
• “Ванкувер-2010”,
• “Сочи-2014”,
• “Пёнчан-2018”
• “Бээжин-2022” өвлийн олимпын наадамд тус тус баг тамирчдаа илгээж байсан түүхтэй.