Шинжлэх ухааны салбарын эрдэмтэн судлаачдаас бүрдсэн зөвлөл байгууллаа
1977 оноос эхтэй цэнхэр гаригийн хамгийн олон жилийн түүхтэй, хамгийн олон өдөр уралддаг, авто мото спортын олимп гэгддэг “Дакар ралли-2026” уралдаан эхлэх мөч ойртож байна.
Дэлхийн шилдгүүд хуран цугларч, 14 өдрийн турш 7500 км замыг туулж, хурд хүч тэсвэр хатуужлийн гайхамшгийг харуулдаг мото болон автоспортын хамгийн том олимп бол “Дакар Ралли” юм. “Дакар Ралли 2026” ирэх оны нэгдүгээр сарын 3-17-ны хооронд Саудын Арабын Янбу хотод болох бөгөөд мотоцикл, автомашин, ачааны машин гэсэн төрөлд 130 оролцогчтойгоор хөшгөө нээнэ.
Харин энэ удаагийн уралдаанд Монгол Улсаас мото спортын ОУХМ, МУГТ Эрдэнэбилэгийн Халиунболд, ОУХМ Пүрэвдоржийн Мөрөн нар хурд хүч, авхаалж самбаа, бэлтгэл сургуулилтынхаа үр дүнг сорихоор бэлтгэж байна.
Аавынхаа хичээллэж асан мото спортын замналыг үргэлжлүүлж яваа МУГТ Э.Халинуболд 2019 онд авсан гэмтлийнхээ улмаас спортоос багагүй хугацаанд холдсон. Гэхдээ эргэн өөрийнхөө бүх л амьдрал, цаг хугацаагаа зориулан, аавынхаа залгамж болж яваа түүний хувьд “Дакар Ралли 2026” уралдаанд өрсөлдөх зорилгоор цуврал тэмцээнүүдэд ур чадвар, тэсвэр хатуужил, бэлтгэл сургуулилтын үр дүнгээ шалгаж, амжилттай оролцож буй.
Мото спортын тамирчдын амжилт, ялалтыг өсгөх, ур чадварыг нь нэмэгдүүлэх, Монгол Улсынхаа нэрийг тэсвэр тэвчээр, хатуужил, эр зоригийн илэрхийлэл болсон “Дакар ралли” уралдаанд дуурсгах зорилгоор санаа сэтгэл нэгдсэн залуус баг болжээ.
“Дакар Ралли”-д өрсөлдөх Монголын баг тамирчдын тоог нэмэгдүүлэх, илүү хүчтэйгээр Саудын Араб улсыг зорихыг “Тал нутгаас Дакарт” төслийн багийнхан зорилгоо болгон ажиллаж байгаа бөгөөд уг төслийн зохицуулагчаар Э.Ууган-Эрдэнэ удирдан ажиллаж буй.
Мото спортын тамирчин бол МУГТ Эрдэнэбилэгийн Халиунболд. Түүний аав МУГД Ш.Эрдэнэбилэг тэртээ 1980-1996 он хүртэл Мотоспортын түүхэндээ Монгол улсаа тив дэлхий, Олон улс, тивдээ энэ л спортоор гайхуулж явсан түүхтэй. МУГТ Э.Халиунболд бага наснаасаа эхлэн Мотоспортод хөл тавьж, түүний аав хүүгээ дасгалжуулж байлаа. Монгол улсын дунд үеийн Мото спортын олон олон амжилтууд түүнтэй салшгүй холбоотой.
Тэгвэл мото спортын ОУХМ П.Мөрөн хоёр дахь удаагаа “Дакар ралли”-д шандсаа сорих бөгөөд тэрбээр өмнөх Дакарын замд амжилттай уралдаж, финиш хийсэн өссөн үзүүлэлттэйгээр эх орондоо ирсэн билээ.
Саудын Араб Биша хотод 2025 оны нэгдүгээр сарын 3-17-нд болох 7500 км зайн энэ удаагийн уралдаанд Монгол улсаас П.Мөрөн мотоцилын төрөлд уралдахаар бэлтгэл сургуулилтаа хангаж байна.
Өдгөө 28 настай П.Мөрөн нь удам дамжсан тамирчин бөгөөд түүний аав А.Пүрэвдорж нь мото спортын олон улсын хэмжээний мастер цолтой. “Дакар ралли-2025” уралдаанд өрсөлдөх П.Мөрөнгийн тухайд эх орондоо 73 уралдаан, олон улсын 10 уралдаанд оролцохдоо 45 алт, 19 мөнгө, долоон хүрэл медаль хүртжээ. Тэрбээр зургаан настайдаа мотоциклын дөрөөнд анх хөл тавьж, 13 настайгаасаа өнөөг хүртэл энэ спортоор хичээллэж байгаа юм.
Эр зоригийн тулаан “Дакар ралли”-д Монгол залуус оролцож байсан мэдээллийг танилцуулъя.
46 жилийн түүхтэй энэхүү уралдаанд Монгол улсаас анхлан гавьяат тамирчин Д.Болдбаатар (нийт 3 удаа), ОУХМ Н.Лхамаа (нийт 5 удаа)нар уралдсан нь 2013 он. Тэд “Дакар ралли”-д хамгийн олон уралдсан монгол тамирчид юм. Түүнээс хойш 2014 онд Д.Болдбаатар, Н.Лхамаа, Х.Батболд, 2015 онд Н.Лхамаа, Ө.Бямбадэлгэр, Ө.Бямбацогт, Б.Сүрэндорж, Д.Болдбаатар, Ч.Анар, Д.Жаргалсайхан, 2019 онд Н.Лхамаа, Ө.Бямбадэлгэр, Ө.Бямбацогт, 2022 онд Н.Лхамаа, Б.Баттөр, Г.Аранзал, Г.Тэмүүжин, 2024 онд Ч.Ганзориг нар уралдаж байв.
Монголын тамирчдаас хамгийн өндөр амжилтыг 2019 онд Перу улсад болсон 41 дэх удаагийн “Дакар Ралли”-гийн 5000 км-ын зайд Ө.Бямбадэлгэр, Ө.Бямбацогт (төрсөн ах дүү) нар UTV оpen ангилалд хүрэл медаль, мотоциклын төрөлд гавьяат тамирчин Д.Болдбаатар 45 дугаар байрт хурдалжээ. Мөн 2015 онд Ч.Анар мотоциклоосоо буулгүй 72 цаг уралдсан нь онцлох амжилт болох юм.
Дакар уралдаан нь зөвхөн хурдны уралдаан биш, харин тамирчдын тэвчээр, ур чадвар, ухаан, техник тактик, туршлага, нөөцийг сорьдог, мөн байгалийн хүнд нөхцөлд тэсвэрлэх чадамжийг шалгадаг онцгой уралдаан билээ.
0
0
0
0
0
0
0
0
