Шинжлэх ухааны салбарын эрдэмтэн судлаачдаас бүрдсэн зөвлөл байгууллаа
Өргөдлийн байнгын хорооны өнөөдөр (2025.10.21)-ийн хуралдаанаар Ахмад настны тэтгэврийг нэмэгдүүлэх, тэтгэврийн зээлийн хүүг бууруулах, эрүүл мэндийн болон асрах үйлчилгээг сайжруулах талаар иргэдээс ирүүлсэн өргөдлийг судлан үзэж, санал, дүгнэлт боловсруулах үүрэг бүхий ажлын хэсгийн санал дүгнэлтийг сонслоо.
Манай улс 2024 оны байдлаар 406.3 мянган ахмад настантай, нийт хүн амын 11 хувийг эзэлж байна. Ахмадууд тэтгэврийн доод хэмжээг 1 сая 500 мянган төгрөг болгох шаардлагыг тавьж байгаа. Мөн тэтгэврийн доод хэмжээг зөвхөн нэмэх нь шударга бус, 1 сая 500 мянган төгрөг буюу түүнээс дээш тэтгэвэр авч байгаа ахмадууд нэмэгдэлгүй хоцрох нь гэх асуудлыг ч өргөдөлдөө дурдсан байв.
Ахмадын тэтгэврийг 2018 онд 27 мянган төгрөгөөр, 2019 онд 29 мянган төгрөгөөр, 2020 онд 25-40 мянган төгрөгөөр, 2022 онд 15-43 хувь, 2023 онд 10-22 хувь, 2024 онд жигд 100 мянган төгрөгөөр, 2025 онд 6 хувиар тус тус нэмж байжээ. 2026 онд одоогийн төслөөр 6 хувиар нэмэхээр төсөвт тусгаад байна. Ирэх онд тэтгэврийг 6 хувиар нэмэхэд 378 тэрбум төгрөг шаардлагатай.
УИХ-ын гишүүн С.Эрдэнэбатаар ахлуулсан ажлын хэсэг холбогдох байгууллагуудын төлөөлөлтэй уулзахад, ахмадуудын тавьж буй шаардлагаар тэтгэвэр нэмэхэд 3.4 их наяд орчим төгрөг шаардагдах учир санхүүгийн хувьд боломжгүй гэх саналыг өгчээ.
Ажлын хэсгийн зүгээс ахмадын тэтгэвэр харилцан адилгүй, авч байсан цалингийн итгэлцүүр томьёоллоор тэтгэвэр тогтоолгож чадаагүй зэргээс шалтгаалж тэтгэврийг жигд нэмнэ гэдэг нь өрөөсгөл байгаа. Ойрын хугацаанд ялгаатай тогтоосон зөрүүг арилгах шаардлагатай. Зөрүүг арилгасны дараа инфляцын түвшинтэй уялдуулж жигд нэмэгдүүлэх нь зөв. Үүний дараа холимог мөнгөн дүнгээр нэмэгдүүлэх нь зүйтэй гэсэн саналыг гаргажээ.
Дараа нь Өргөдлийн байнгын хорооны дотоод зохион байгуулалтын талаар танилцуулга хийгдлээ. 2025 оны 7 дугаар сарын 9-нд тус байнгын хороог байгуулснаас хойш 61 өргөдөл, гомдол ирсэн байна. Ахмадын тэтгэвэр, эмч, багш нарын цалинг нэмэгдүүлэх, хууль шүүхийн байгууллага, боловсролын зээлийн сан, хот төлөвлөлт, барилгажилтын асуудалтай холбоотой зөрчлийг шийдвэрлэхтэй холбоотой өргөдөл гомдол зонхилсон байна.
1
4
0
0
0
0
2
1
Халамж авах ёстой баахан хүмүүст 10 жилийн эрх өгчихөөд тэд нар нь давраад наслаарай өндөр татвар төлж НД бүрдүүлж өмнөх хүмүүсийн тэтгэврийг бүрдүүлсэн хүмүүстэй барьцаад бгаа юм.Өмнө татвар бага төлсөн хүмүүсийг заавал 20-30 түүнээс дээш жил ажилсан хүмүүстэй хүмүүстэй адилтгах хэрэггүй.Шудрага байгаарай.Дээр нь ажил хийгээгүй шахам тэтгэвэр тогтоолгох хоол 36 сараар хүүгүй шахам зээл авна ч гэх шиг давхар юмаа.10 жил нэмүүлсэн хүмүүсийг бүгдийг нь халамжруу шилжүүлэх нь шудрага бх
Яагаад өндөр татвар төлж өмнөх НД бүрдүүлэхэд одоо 10 хан жил татвар төлөөд автоматаар 10жил тэмүүлсэн хүмүүстэй адилтгадаг бга юм бэ.Тэгэж хохироохгүй бна.Төрийн албанд насаараа зүтгэсэн хүмүүс сүүлийн5_7жилд их төлөөд их тогтоолгоно гэсэн ойлголт бгүй
Боломжгүй шүү дээ.Харин энгийн
хувийнхан бол магадгүй.Яг үнэндээ 90онд ТЭНЭГҮҮД НЬ ТӨРД ҮЛДЛЭЭ ГЭЭД маш олон хүн хувиараа наймаа хийнэ гээд л хаяад явсан .Тэр үеэс улсын.төрийн ажил цалингүй шахам/2-3 сар цалингүй ба үе зөндөө усан/ тасралтгүй хийгээд сэтгэл хоёрдолгүй зүтгэсэн хүмүүс өнөөдөр хохирох ёсгүй . Тэгштгэнэ гэж үгүй шүү.Зөрүүг нь л шудрагаар тогтоо.
Тэтгэврийн доод хэмжээг нэмэх нь зөв.Өндөр тэтгэвэр авч байгаа ахмадууд шударгаар тогтоолгосон нь ч бий шударга бусаар тогтоолгосон нь ч бий.Шударга бусаар гэдэг нь юу гэсэн үг вэ гэвэл тухайн 5 юмуу 7 жилээ өндөр төлөөд тогтоолгосон байгаа.Өндөр буюу 1500000 төгрөгөөс дээш тэтгэвэр авч байгаа ахмадууд бусадтайгаа барьцахгүй байлгүйдээ.Тэд зээл ч авдаггүй байх.Бага тэтгэвэртэй ахмадууд үр хүүхдүүд нь тусладаг нь болгоод явж байгаа.ҮР хүүхэдгүй, үр хүүхэд нь тусалдаггүй бол яах вэ, тэдэнд бол хэцүү байгаа.680000 төгрөгөөр 1 хонины мах 250000₮, гурил 25 кг нь 70000₮, байр, СӨХ, Цахилгаан, интернет, утас нийлээд 250000₮, сүү, цай, давс, юухан хээхэн 100000₮ ингээд л дуусаа.Эм тариа, эмнэлгийн зардал болон бусад зардлыг хүүхдүүдээс авна.Ганц бие ахмад бол бүр цаашаа шүү.Ер нь яаж амьдар гээд байгаам бэ
холимог мөнгө гэж юү юм, юань, рубль, доллар уу