Шинжлэх ухааны салбарын эрдэмтэн судлаачдаас бүрдсэн зөвлөл байгууллаа
Өрөг.мн Герман улсаас Дэлхийн оюутны зуны Универсиад ХХХII наадмыг албан ёсоор сурвалжлан хүргэж байна.
Монголын волейболын оюутны шигшээ багийн эмэгтэй тамирчид 07 сарын 22-ны 17:00 цагаас Герман Улсын Берлин хотноо эхлэсэн Францын багтай хийсэн тоглолт 2 цаг орчим хугацаанд ширүүн өрсөлдөөнтэй өрнөж Монголын баг 3:2 харьцаагаар хожиж, сайхан амжилт гаргалаа.
Монголын шилдэг залуу мастеруудаас бүрдсэн манай баг энэхүү тоглолтын үе тус бүрт доорх амжилтыг үзүүлэв.
1. 25: 19
2. 20: 25
3. 20: 25
4. 25: 23
5. 15: 12
Энэ тоглолтод Монголын тамирчин Х.Нэргүй 21 оноо авч багаа тэргүүлсэн байна. Харин манай баг Европын өндөр багийн эсрэг багаараа хаалтыг сайн тавьж П.Энххүслэн, Б.Хулан, П.Нэргүй нар тус бүр хаалтаар 3 оноо авсан үзүүлэлтээр бүх тоглогчийг манлайлсан. Түүнчлэн Э.Сүглэгмаа 15, Э.Хүслэн 10 оноо авч довтолгооны гурав жигд тоглолтыг үзүүлсэн нь Монголын багийг хожилд хөтөлсөн.
Ийнхүү Монголын баг сүүлчийн тоглолтоо хийснээр Универсиад 2025 наадмын эмэгтэй волейболын тэмцээнд оролцсон дэлхийн шилдэг 16 багаас 11 дүгээр байрт шалгарлаа.
Монголын баг энэ тэмцээнд зургаан тоглолтыг хийн 3 хожиж, 3 хожигдон 50 хувийн амжилтыг үзүүллээ. Тухайлбал Аргентин, Энэтхэг, Францын багуудыг хожсон. Харин БНХАУ, Герман, АНУ-ын багт хожигдсон юм.
1
1
0
0
0
0
0
0
