Шинжлэх ухааны салбарын эрдэмтэн судлаачдаас бүрдсэн зөвлөл байгууллаа
Монголчуудын хамгийн хүлээдэг баяр бол яах аргагүй Үндэсний их баяр наадам. Энэ жил ч амралт найм хоног үргэлжилж, олон хүн хотоос гарч, байгальд аялж, нутгийн зүг сэтгэл тайтгарсан ч бие махбодод “тайвшрал” бус, бүр ч их ачаалал ирсэн байх нь бий.
Энэ бол олон монголчуудын наадмын дараах нийтлэг байдал. Учир нь:
- Уртаар машин барьсан
- Унтах, хооллох хэмнэл алдагдсан
- Хэт их нар салхинд гарсан
- Замын түгжрэл, машин эвдрэл, хүүхдийн хямрал гээд стресс хуримтлагдсан байдаг.
Эмч нар юу анхааруулж байна вэ?
Сэтгэл зүй, бие махбод аль аль нь амралт хүсдэг.
“Зүгээр гэртээ хэвтэж амарсангүй гэж өөрийгөө зэмлэх хэрэггүй. Таны бие аяллаар биш, тайван унтаж амрах замаар л жинхэнэ сэргэнэ” гэж эмч нар зөвлөж байна.
Хэт нар салхинд ядарсан бол:
- Шингэн сайн уух
- Хэт их кофе, сэргээшээс зайлсхийх
- Нарны харшил, толгой өвдөлтөд анхаарах
Ядралттай, нойргүй байдал үргэлжилбэл:
- Уураг, ногоон хүнс, В витамины хэрэглээг нэмэгдүүлэх
- Дасгал хөдөлгөөнийг хэт ачаалалгүйгээр эхлүүлэх
- Шаардлагатай бол витаминжуулалт хийлгэх
Хүүхэдтэй аялсан бол анхаарах зүйлс:
- Тайван орчинд өдөр унтуулж, амраах
- Хоолны хэмнэлд аажмаар оруулах
- Хэт их дэлгэц, дуу чимээтэй орчнээс холдуулах
Ажлын эхний долоо хоногт хурд биш, хэмнэл чухал. Хийх ажлаа жагсааж, бага багаар гүйцэтгэх нь сэтгэл санаанд амархан тусна. Бусдын амжилт, аяллын зурагт дарагдаж “өөрийгөө голох” хэрэггүй. Бүгд л ядарсан, зүгээрээ.
Эцэст нь хэлэхэд…
Амралт гэдэг зөвхөн газар үзэж, зураг авах биш.
Заримдаа утсаа унтраагаад, сэрэхгүйгээр унтах нь хамгийн сайн аялал байж мэднэ.
Тиймээс наадмын дараа өөрийгөө буруутгах биш, дотоод “тайван аяллаа” үргэлжлүүлээрэй.
0
0
0
0
0
0
0
0
