“Бүх цэргийн наадам” энэ баасан гаригт болно
Монгол Улсын бөхчүүд 7 алт, 10 мөнгө, 12 хүрэл медальтайгаар “Улаанбаатар опен” тэмцээнийг өндөрлүүлэв
Монгол Улс чөлөөт, сонгомол бөхийн дэлхийн чансааны оноо олгох “Улаанбаатар опен-2025” тэмцээнийг анх удаагаа зохион байгууллаа.
Энэхүү тэмцээнд 17 орны 350 гаруй хүчтэн зодоглосон юм.
Монголын сонгомол бөхийн багийнхан 2 мөнгө, 2 хүрэл, эмэгтэй чөлөөтийн багийнхан 4 алт, 6 мөнгө, 6 хүрэл, эрэгтэй чөлөөтийнхөн 3 алт, 2 мөнгө, 4 хүрэл медалийг авч, эх орныхоо дэвжээнд сайхан наадлаа.
Сайхан мэдээ дуулгахад энэ тэмцээнийг МЧБХ-ны хамт олон гурван жилийн хугацаанд зохион байгуулах эрхтэй болсон. Иймд жилээс жилд цар хүрээгээ тэлж, нэр хүндийн хувьд ч төдий хэрээр өсөх нь гарцаагүй биз ээ.
Дөрвийн өдрийн туршид “Буянт-Ухаа” ордонд дэлхийн чөлөөт барилдааны шилдгүүд өрсөлдөж, бяр хүчийг уралдуулан зодоглолоо.
“Улаанбаатар опен” тэмцээнийг МЧБХ-ныхон гурван жилиийн хугацаанд зохион байгуулна. Тус тэмцээн нь олимпын эрхийн оноо олгоно.
Сонгомол бөхийн төрөлд 2 мөнгө, 2 хүрэл
87 кг-д Ц.Батбаяр – мөнгө
130 кг-д Б.Намбардагва – мөнгө
55 кг-д М.Даваабанди – хүрэл
97 кг-д Г.Ганхуяг – хүрэл
Эмэгтэй чөлөөтийн багийнхан 4 алт, 6 мөнгө, 6 хүрэл
53 кг-д Ч.Отгонтуяа – хүрэл
55 кг-д Б.Хулан – алт
Б.Отгонтуяа – хүрэл
57 кг-д Х.Болортуяа – мөнгө
59 кг-д Т.Алтжин – мөнгө
Э.Гантуяа – хүрэл
62 кг-д П.Орхон – алт
С.Цэрэнчимэд – мөнгө
65 кг-д Т.Энхжин – алт
Н.Нархажид – хүрэл
68 кг-д Э.Дэлгэрмаа – алт
Б.Ганцэцэг – мөнгө
М.Батсүрэн – хүрэл
72 кг-д З.Болортунгалаг – мөнгө
76 кг-д Э.Даваанасан – мөнгө
Г.Уртнасан – хүрэл
Эрэгтэй чөлөөтийн багийнхан 3 алт, 2 мөнгө, 4 хүрэл
57 кг-д Б.Мөнх-Эрдэнэ – алт
М.Даваабанди – хүрэл
61 кг-д Т.Түвшинтулга – алт
70 кг-д Т.Тулга – хүрэл
86 кг-д Б.Бямбадорж – мөнгө
Н.Батбилгүүн – хүрэл
92 кг-д Б.Бат-Эрдэнэ – хүрэл
97 кг-д Г.Ганхуяг – мөнгө
125 кг-д М.Лхагвагэрэл – алт
Гэрэл зургийн эх сурвалж: МЧБХ-ны пэйж хуудас
0
0
0
0
0
0
0
0
