“Огцрох амархан” жагсаалын найм дахь өдөр. Жагсаал бүр дуутай болоод амжив. “Огцрох амархан” жагсаалын дууг төв талбайд өдөр бүр ирж дуулж буй Ч.Есөнхандтай уулзуулж байна. 

Тэрбээр “Намайг Чимэд-Очирын Есөнханд гэдэг. Төгөлдөр хуурч мэргэжилтэй. Хилийн цэрэгт хоёр жил, мөн хувийн сургуулиудад хөгжмийн багшаар ажиллаж байсан. Одоо ажлаасаа гарчихсан байгаа. Энэ хугацаанд залуусынхаа дуу хоолой болж тэмцье гэж бодсон. Дүү бид хоёр жагсаалд оролцож байх үеэрээ “дуу хийе” гэж ярилцаад ажил болгосон. Удахгүй цацагдана. Артист B Tamir хамтарна гэсэн. Бичлэг нь ирчихвэл өнөө, маргаашгүй л дуугаа цацна. 

“Чи худал ярих бүртээ үнэнд өртэй болдог. Тийм болохоор битгий худлаа хэл. Битгий хулгай хий” гэж сайд, гишүүд, Ерөнхийлөгчид хэлмээр байна.  

Одоогоор намайг нэг ч хүн улстөржлөө гэсэнгүй. Улстөржлөө гэж хэн нэгэн хүн хэлэх юм бол би угаас маш шударга, маш зөрүүд хүн. Хэнээр яаж амьдрахаа, яахаа заалгахгүй” хэмээн ярьсан юм. 

“Огцрох амархан” дууны үг:

Огцрох амархан 

Огцрох амархан 

Огцрох амархан 

Төрийн төлөө оготно бооно

Түмний хоолойг төр нь бооно

Татвар энэ тэрээ нэхэж авчаад

Tавиаснуудаа тэтгэж байна

Утаанд хордоод тархи мархи

Уушги муушиг өвдөж байна aа

Цохилж байгаа бяцхан зүрхнүүд

Ирээдүйгүй сөнөж байна

Нуугаад байсан булхайг чинь

Тэмүүлэн гаргаад ирсэн үү хөө

Нэмээд нэмээд өгдөг татвар

Нууц амрагт чинь очсон уу хө

Их наяд тэрбум сая мянгаар нь

Тендер залилж хармаална

Kaрма нь харин Инстаграмаар

Ард түмэнд минь илчилж байна

Улсын тугийг мандуулаад

Улсын сүрийг бадруулаад

Урвасан хулгай дайснуудыг

Уухай хийгээд дарцгаая аа

Улаанбаатар хотод болдог

Булхайг бүгдээрээ илчилье ээ

Угаасаа залуучууд жагсаад байвал 

Монгол улс минь мандан бадарна