Улаанбурханы батлагдсан тохиолдол 346 боллоо
Иргэн таны өөрийн эзэмшлийн “Эрдэнэс Тавантолгой” ХК-ийн хувьцааны ногдол ашгийн үлдэгдэл 93.499 төгрөгийг хэрхэн хүлээн авах тухай санал асуулга эхэллээ.
Иргэн та E-Mongolia аппликейшнд нэвтрэн санал асуулгад оролцоорой! Саналыг 2025 оны 04 дүгээр сарын 04-09-ний өдрүүдэд хүлээн авах ба та энэ хугацаанд саналаа өөрчлөх боломжтой!
Харин 2025 оны 4 дүгээр сарын 10–16-ны өдрүүдэд таны өгсөн саналд үндэслэн баталгаажуулалт хийх юм.
2024 онд “Эрдэнэс Тавантолгой” ХК иргэн бүрийн эзэмшлийн 1072 ш хувьцааны ногдол ашиг хэмээн нийт 1 их наяд 38 тэрбум төгрөг хувaaрилсан. Энэ нь иргэн тус бүрт 315.007 төгрөг ногдож байна гэсэн үг юм. Үүний 121.500 төгрөгийг 2024.12.20-нд, 100.006 төгрөгийг 2025.02.26 нд шилжүүлсэн бол одоо үлдэгдэл 93.499 төгрөгийг шилжүүлэх гэж байна.
Үүнээс гадна “Чингис Хаан” үндэсний баялгийн санд таны нэр дээр 138.993 төгрөг байршсан буюу ийнхүү нийт нэг иргэн тус бүр 454.000 төгрөг хүртэж байгалийн баялагтаа эзэн болж байна гэсэн үг.
Хэрэв та “Чингис Хаан Үндэсний баялгийн сан”-ийн “Хуримтлалын сан” дахь нэрийн дансандaa “Эрдэнэс Тавантолгой” ХК-ийн ногдол ашгийн орлогоо төвлөрүүлэхээр сонгосон тохиолдолд цаашид орон сууц худалдан авах, эрүүл мэнд, боловсролын чиглэлээр үйлчилгээг авахдаа зарцуулах боломж бүрдэнэ.
“Хандив” цэсийг сонгосон бол таны “Эрдэнэс Тавантолгой” ХК-ийн ногдол ашиг “Чингис Хаан Үндэсний баялгийн сан”-ийн “Хөгжлийн сан”-д хуримтлагдах болно.
“Бэлэн мөнгө” цэсийг сонговол таны харилцах дансанд шилжин орох болно.
“Чингис хаан” Үндэсний баялгийн сан
0
0
0
0
0
0
0
0
