Ч.Хантүмэн: Данс хаачихлаа, дарга нарыг мууллаа гээд ингэв үү

Комедиан, бизнес эрхлэгч Ч.Хантүмэн өөрийн цахим хуудсаараа дамжуулан өөрийн үзэл бодлоо илэрхийлэн өөрт тулгарсан асуудлаа хуваалцлаа. Тодруулбал,

“За данс хаачихлаа, олон юм ярилаа гээд эсвэл дарга нарыг мууллаа гээд ингэв үү. Эсвэл үнэхээр сайн бизнес эрхлэгч юм байна гээд ингэж байна уу. Зун боллоо, брожураа хийхэд мөнгө хэрэгтэй болоод тэгж байгаа юмуу. Бизнес эрхлэгчидээ дээрэлхэж байна уу.

Дансыг минь хаагаад, байсан мөнгөнүүдийг нь татаж авч байх шиг байна.

Импортын бараа бүтээгдэхүүнийг хавар, намар татаж авдаг. Манай компанийн хувьд хаврын бараа таталтаа хийчихсэн, гааль дээр татвараа төлж авахаар мөнгөө цуглуулж байсан. Гэтэл ийм юм болчихлоо.

Одоо ганц нэг контейнэрээр нь авахаар оролдож мөнгө цуглуулна. Ер нь хэцүү боллоо, баларлаа шүү.

Ядаж байхад аав минь өвдчихсөн, би гуравдугаар эмнэлэгт сахиж байдаг. Одоо яах ёстой вэ. Дээшээ тэнгэр хол, доошоо газар хатуу гэдэг нь энэ байхдаа” хэмээн ярьлаа.