Ч.Хантүмэн: Данс хаачихлаа, дарга нарыг мууллаа гээд ингэв үү
БНСУ-ын Үндсэн хуулийн цэц Юүн Сүк Ёлыг Ерөнхийлөгчийн албан тушаалаас огцруулахыг дэмжсэнээр ирэх 60 хоногийн дотор БНСУ-д ерөнхийлөгчийн сонгууль явагдах юм.
Дараагийн төрийн тэргүүн сонгогдох хүртэл Сангийн сайд Чой Сан Мок ерөнхийлөгчийн үүргийг гүйцэтгэсэн хэвээр байх аж. 2017 оны 3-р сарын 9-нд БНСУ-ын Үндсэн хуулийн цэц Пак Гын Хэг ерөнхийлөгчийн албан тушаалаас огцруулах шийдвэр гаргаж байсан билээ.
Уг шийдвэр гарсанаас яг 2 сарын дараа 5-р сарын 9-нд ерөнхийлөгчийн сонгууль болж, шинээр сонгогдсон ерөнхийлөгч нь сонгуулийн маргааш нь тангаргаа өргөж байсан юм. Санал асуулгаар 2022 оны ерөнхийлөгчийн сонгуульд өрсөлдөж, Юүн Сүк Ёлд хэдхэн хувийн зөрүүгээр ялагдсан сөрөг хүчний тэргүүн Ли Жэ Мён БНСУ-ын дараагийн ерөнхийлөгчөөр сонгогдох өндөр магадлалтай байгаа ч тэрээр авлигын хэргээр шалгагдаж байгаа нь сонгуульд өрсөлдөхөд нь саад учруулж болзошгүй байгаа аж.
БНСУ-ын Ерөнхийлөгчөөр томилогдсон хэний ч бай нэн түрүүнд шийдэх асуудал нь дотоодын улс төрийн тогтвортой байдлыг хангах, АНУ-ын Ерөнхийлөгч Доналд Трампын тогтоосон импортын татварын нэмэгдэлтэй холбоотой асуудлууд юм.
Албан тушаалаасаа огцорсон Юүн Сүк Ёлын хувьд өнгөрсөн 1-р сард бослого үймээнд турхирсан хэрэгт яллагдагчаар татагдсан билээ. Хэрэв шүүх түүнийг буруутай гэж үзвэл Юүн Сүк Ёлд бүх насаар хорих ял эсвэл цаазаар авах ял ч оноож болзошгүй юм.
Орчуулсан: С.Энхзаяа
0
0
0
0
0
0
0
0
