Ч.Хантүмэн: Данс хаачихлаа, дарга нарыг мууллаа гээд ингэв үү
Сүүлийн 20 жилийн хугацаанд гамшиг, аюулт үзэгдэл, ослын улмаас 987 хүүхэд амь насаа алдаж, 422 хүүхэд түлэгдэж, бэртэж, өвчилсөн байна.
Үүнээс 443 хүүхэд усны ослоор, 361 хүүхэд объектын гал түймэрт өртөж амь насаа алджээ. Тиймээс хүүхдэд тавих хараа хяналтаа сайжруулах, бага насны хүүхдийг харгалзах хүнгүй ганцааранг нь үлдээхүй байх, өрх, гэрийнхээ аюулгүй байдлыг хангахыг Онцгой байдлын ерөнхий газраас анхааруулж байна.
Гамшгаас урьдчилан сэргийлэх нь зөвхөн онцгой байдлын алба хаагчдын үүрэг бус, бүх нийтийн оролцоо чухал. Тэр тусмаа хүүхдүүдэд цэцэрлэг, сургуулиас нь эхлээд нэгдсэн мэдлэг, ойлголт өгч, өөрийгөө болон бусдыг авран хамгаалах чадварт суралцуулах зайлшгүй шаардлагатай. Тиймд Монгол Улсын Шадар сайд С.Амарсайхан, Боловсролын сайд Н.Наранбаяр нарын хамтарсан тушаал гарч, бүх шатны боловсролын байгууллагуудад “АЮУЛГҮЙ АМЬДРАХ УХААН” сургалтын хөтөлбөрийг хэрэгжүүлж эхэлжээ.
Энэ хүрээнд 2025 оны 03 дугаар сарын 20-оос 06 дугаар сарын 20-ны хооронд Нийгмийн орчны аюулгүй байдал, Байгаль, цаг уурын гаралтай аюултай үзэгдэл, Хүний үйл ажиллагаатай холбоотой аюул осол, Ахуйн орчны аюулгүй байдал зэрэг дараах дөрвөн чиглэлээр гамшгаас урьдчилан сэргийлэх, бэлтгэл бэлэн байдлаа хангах, сөрөн тэсвэрлэх чадавхыг нэмэгдүүлэх сургалт, дадлагыг зохион байгуулна.
Үүнтэй холбоотойгоор ЕБС-ийн II улирлын бие даалтын долоо хоногийг “НИЙГМИЙН ОРЧНЫ АЮУЛГҮЙ БАЙДАЛ” сэдвийн хүрээнд зохион байгуулж, Мэргэжлийн боловсролын сургууль, Ерөнхий боловсролын сургуулиуд өөрсдийн онцлогт тохирсон Хүүхэд хамгааллын эрсдэлийн үнэлгээ хийх, Нийгмийн орчны аюулгүй байдал сэдэвт сургалт, нөлөөллийн ажлыг өрнүүлж эхлээд байна.
Байгалийн гамшигт үзэгдэл болон хүний буруутай үйл ажиллагаанаас шалтгаалсан аюул, ослын тоо жил ирэх тусам нэмэгдсээр байгаа тул Монгол Улсын Шадар сайд С.Амарсайхан Үндэсний сөрөн тэсвэрлэх чадавхыг бэхжүүлэх, Гамшгийн үеийн бэлтгэл, бэлэн байдлыг хангах, болзошгүй эрсдэлээс урьдчилан сэргийлэх чиглэлд бүх шатны байгууллага болон иргэн бүр анхаарч, сонор сэрэмжтэй байхыг уриаллаа.
0
0
0
0
0
0
0
0
