Ө.Шижир: Улс төрийн намуудын санхүүжилт бол хуульчилсан авлигал
Forbes сэтгүүлийн өнгөрсөн жилийн дэлхийн хамгийн чинээлэг хүмүүсийн жагсаалтанд багтсан ОХУ-ын 24 тэрбумтан энэ оны жагсаалтанд өөр улсын иргэншилтэйгээр бичигджээ.
ОХУ-ын иргэншлээ сольсон тэрбумтнууд дотор Москва хотын дарга агсан Юрий Лужковын гэргий Елена Батурина энэ оны жагсаалтанд Их Британи улсыг төлөөлж байгаагаар, Лукойл компанийн дэд ерөнхийлөгч асан Леонид Федун Монако улсыг, Альфа-Групп компанийг үүсгэг байгуулагчдын нэг Алексей Кузьмичев Франц улсыг, Альфа-Банкийн ерөнхийлөгч асан Петр Авен Латви улсыг, Яндекс компанийг үүсгэн байгуулагчдын нэг Аркадий Волож, Rambler Group компанийг эзэмшигч асан Александр Мамут нар Израиль улсыг төлөөлж байгаагаар бичигдсэн байна.
Forbes сэтгүүлийн жагсаалтанд багтсан тэрбумтны төлөөлж буй улс өөрчлөгдөх нь тухайн тэрбумтны зүгээс төлөөлж буй улсаа солих хүсэлт тавьдагтай холбоотой аж.
Өмнөх оны жагсаалтанд бичигдэхдээ төлөөлж байсан улсаа энэ оны жагсаалтанд сольсон бизнесменүүдийн дийлэнх нь Швейцарь болон Израиль улсыг төлөөлж байгаагаар бичигдсэн байна.
Forbes сэтгүүлийн ОХУ-ын тэрбумтнуудын жагсаалтаас гарах хүсэлтэй бизнесменүүдийн тоо ОХУ Украин руу довтолсоноос хойш эрс нэмэгджээ. Сүүлийн жилүүдэд ОХУ-ын иргэншилтэй байх нь бизнесменүүдийн хувьд барууны орнуудад бизнес эрхлэх, аж төрөхөд нь хүндрэл учруулах болсон билээ.
Forbes сэтгүүл өнгөрсөн мягмар гарагт 2025 оны дэлхийн хамгийн чинээлэг хүмүүсийн жагсаалтаа танилцуулсан байна. 2025 оны дэлхийн хамгийн чинээлэг хүмүүсийн жагсаалтанд 300 орчим хүн багтсан ба тэдгээрийн хөрөнгө нийт 16.1 их наяд ам.долларт хүрчээ. Жагсаалтыг 342 тэрбум ам.долларын хөрөнгөтэйгээр Илон Маск тэргүүлжээ.
С.ЭНХЗАЯА
0
0
0
0
0
0
0
0
