“Бишрэлт Металл” баг Азийн аваргуудын лигийн тоглолтоо хийхээр Индонезийг зорьлоо
Эрэгтэйчүүдийн 65 кг-д хүч сорьж буй Ц.Цогбадрах Казахстаны Нурсултан Садикийг ялж, их шөвөгт шалгаран үлдлээ. Энэ барилдаанд манай бөх 10:2-оор илүүрхэж яваад даралтаар цэвэр ялсан юм. Одоо тэрбээр Кыргызстан, Бахрейний бөхчүүдийн ялсантай хагас шигшээд өрсөлдөнө.
Харин 97 кг-д зодоглож буй Г.Ганхуяг БНХАУ-ын бөх, Азийн наадмын хүрэл, Азийн АШТ-ий мөнгөн медальт Авусайман Хабилад тун харамсалтай ялагдаад байна.
Үндсэн цаг 1:1 болон тэнцэж, сүүлийн оноог авсан хятад бөх тэргүүлж явах үед Г.Ганхуяг шийдсэн мэхээ хийж, өрсөлдөгчөө дэвжээнээс гаргаж чадсан. Гэвч өрсөлдөгч бөх нь дэвжээнээс хараахан гараагүй үед цаг дууссан нь батлагдсанаар ялалт нөгөө тийш шилжсэн юм.
Хэрэв А.Хабила финалд шалгарвал Г.Ганхуяг хүрэл медалийн төлөө дагаж барилдах болно.
Эх сурвалж: Монголын чөлөөт бөхийн холбоо
0
0
0
0
0
0
0
0
