Орхон аймгийн есдүгээр ангийн сурагчдын дунд химийн олимпиад зохион байгуулжээ

Боловсролыг дэмжигч “Ачит-Ихт” ХХК Орхон аймгийн Боловсролын газартай хамтран гурав дахь жилдээ Химийн хичээлийн анги нийтийг хамарсан масс олимпиадыг ЕБС-иудын есдүгээр анагийнхны дунд амжилттай зохион байгуулжээ. Тодруулбал, 2025.03.14-ний өдөр зохион байгуулагдсан энэхүү олимпиадад 21 сургуулийн 2055 суралцагч мэдлэг оюунаараа өрсөлдсөн байна.

Уралдааныг төрийн болон хувийн хэвшлийн сургууль тус бүрээр дүгнэн гаргажээ.

Төрийн өмчит сургуулийн ангилалд:

• ЕБ-ын 1-р сургуулийн А.Мөнгөнзул багштай 9д анги тэргүүн байр
• 4-р сургуулийн 9ё анги 2-р байр
• 5-р сургуулийн 9б анги 3-р байр
• 5-р сургуулийн 9в анги тусгай байрыг эзэлсэн байна.

Хувийн өмчит сургуулийн ангилалд:

• Эрдэнэт цогцолбор дээд сургуулийн Б.Очирхуяг багштай лицейн 9а анги тэргүүн байр
• Эрдмийн сан сургуулийн 9б анги 2-р байрыг тус тус эзэлж, өргөмжлөл, мөнгөн шагнал хүртсэн байна.

2024 оны байдлаар ”Ачит-Ихт” ХХК нь нийгмийн хариуцлагын хүрээнд Орхон аймгийн ЕБ-ын нийт зургаан сургуульд Химийн иж бүрэн кабинетыг санхүүжүүлэн тохижуулсан ба эдгээр кабинет нь сурагчдыг химийн хичээлийг илүү гүнзгийрүүлэн сурах сонирхлыг нэмэгдүүлсэн төдийгүй химийн шинжлэх ухааны масс сургалтын чанарыг нэг жилд 6.8 хувиар ахиулж, Орхон аймгаас Улсын олимпиадад оролцох эрх авсан сурагчдын тоог 2 дахин нэмэгдүүлсэн гэж багш нар талархан хүлээн авч байна.