Ө.Шижир: Төрийн байгууллагууд өөрсдийгөө шалгаад, 100 хувь гэж дүгнэж болохгүй
Йордан улсын Амман хотод чөлөөт бөхийн насанд хүрэгчдийн Ази тивийн аварга шалгаруулах тэмцээн гурав дахь өдрөө үргэлжилж байна. Азийн аваргын эмэгтэй жингийн сугалаа өчигдөр явагдлаа. Манай бөхчүүдээс 50 кг-ийн жинд ОУХМ Бямбасүрэнгийн Мөнхнаран “А” хэсгийн нэгдүгээр тойрогт Хятадын Зангтай таарсан. Хоёрдугаар тойрогт Филиппин, Шри Ланкын бөхчүүдийн хэн ялсантай барилдах магадлалтай байгаа. 53 кг-ийн жингийн “А” хэсгийн нэгдүгээр тойрогт ОУХМ Чинболдын Отгонтуяа, Йорданы Тааибинтай барилдана. Хоёрдугаар тойрогт Өмнөд Солонгос, Казахстан, Хойд Солонгосын бөхчүүдийн хэн ялсантай хүч сорино.
Чөлөөт бөх: Эмэгтэй тамирчдын сугалаа гарлаа
Эмэгтэйчүүдийн 55 кг-ийн жингийн “В” хэсгийн нэгдүгээр тойрогт ОУХМ Баянмөнхийн Отгонтуяа, Өмнөд Солонгосын Литэй барилдахаар учраа таарчээ. Хоёрдугаар тойрогт Казахстаны Яхяароватай учраа таарах ажээ. 57 кг-ийн жингийн “А” хэсгийн нэгдүгээр тойрогт ОУХМ Хүрэлхүүгийн Болортуяа Вьетнамын Дангтай таарсан байна. Хоёрдугаар тойрогт Японы Натамитай барилдана. 62 кг-ийн жингийн “А” хэсгийн нэгдүгээр тойрогт МУГТ Сүхээгийн Цэрэнчимэд, Японы Озакитай таарсан. Хоёрдугаар тойрогт Хятадын Лилитэй өрсөлдөнө.
Эмэгтэйчүүдийн 65 кг-ийн жингийн “В” хэсгийн нэгдүгээр тойрогт ОУХМ Түвшинжаргалын Энхжин гоц мөргөн ялалт авсан байгаа юм. Хоёрдугаар тойрогт Өмнөд Солонгос, Йорданы бөхчүүдийн хэн ялсантай барилдана. 68 кг-ийн жингийн “А” хэсгийн нэгдүгээр тойрогт ОУХМ Энхсайханы Дэлгэрмаа, Өмнөд Солонгосын Кимтэй таарсан. Хоёрдугаар тойрогт Киргизстан, Узбекистан, Хойд Солонгос буюу БНАСАУ-ын тамирчдын хэн ялсантай нь барилдах юм. 72 кг-ийн жингийн “В” хэсгийн нэгдүгээр тойрогт ОУХМ Зоригтын Болортунгалаг, Хятадын Лиутай таарсан. Хоёрдугаар тойрогт Киргизстан, Узбекистаны бөхчүүдийн хэн ялсантай хүч сорино. 76 кг-ийн жингийн “А” нэгдүгээр тойрогт ОУХМ Энх-Амарын Даваанасан, Японы Ямамототой таарсан. Хоёрдугаар тойрогт Энэтхэг, Тайвань, Өмнөд Солонгосын бөхчүүдийн хэн ялсантай барилдах тус тус хуваарьтай байна.
0
0
0
0
0
0
0
0
