Сэлэнгэ Бодонс хагас бөмбөгийн зөрүүтэй хожил авав
Улсын Их Хурлын Байгаль орчин, хүнс, хөдөө аж ахуйн байнгын хорооны өнөөдрийн хуралдаанаар 03 дугаар сарын 17-ны өдөр өргөн мэдүүлсэн Амьтны тухай хуульд нэмэлт оруулах тухай хуулийн төслийн хэлэлцэх эсэхийг хэлэлцэв.
Уг хуралдаанаар малчид иргэдээс хамгийн ихээр тавьж байсан саналын дагуу чоно агнахтай холбоотой асуудлыг олонх гишүүд хөндөж асуулаа. Өнөөдрийн байдлаар чоно агнах зөвшөөрлийн бичгийг сумын Засаг даргын Тамгын газраас авдаг бөгөөд тав хүртэлх хоногийн хугацаанд ан хийж чадаагүй бол дахин зөвшөөрөл авах шаардлага үүсгэдэг нь хүндрэл учруулдаг. Мөн чоныг заасан газар, цэгт агнах гэхээр тухайн газартаа байдаггүй тул дахин зөвшөөрөл авах нөхцөлийг үүсгэх, улмаар амьдралд нийцэхгүй байна гэдгийг хуулийн төсөл санаачлагч гишүүн онцлов.
БОУАӨЯ-ны Байгалийн нөөцийн бодлогын газрын дарга Ц.Уранчимэг:
Ирвэсний тоо толгой 1000 гаруй байгаа. Олон улсын хэмжээнд нэн ховор ангилалд ордог. 2024-2025 онд 31.541 мал саарал чононд бариулсан гэдэг тоон мэдээллийг экологийн цагдаагаас авсан. Нэн ховор амьтныг агнахгүй, тоо хэмжээг нь зохицуулах ёстой гэж одоогийн Амьтны тухай хуульд тусгасан боловч яамнаас Амьтны тухай хуулийн шинэчилсэн найруулгын төслийг хийж байгаа. УИХ-ын гишүүд энэ нарийн зүйл заалтыг тусгахдаа конвенцийн хуульд нийцүүлэн хийхийг дэмжиж байгаа.
Амьтны тухай хуульд нэмэлт өөрчлөлт оруулах тухай дэмжих санал хураалт явуулж, 86.7 хувь нь дэмжлээ. Байнгын хорооны санал дүгнэлтийг УИХ-ын чуулганы нэгдсэн хуралдаанд УИХ-ын гишүүн Т.Аубакир танилцуулахаар болов.
1
0
0
0
0
0
0
0
