Үндэсний бөxчүүд цөлжилтийн эсрэг үйл xэрэгт нэгдэв
Нийслэлийн нутгийн өөрөө удирдах ёсны болон захиргааны байгууллагуудын ажилтнууд Төрийн жинхэнэ албан хаагчийн тангараг өргөх журмын дагуу тангараг өргөлөө.
Тодруулбал, өнөөдөр зохион байгуулсан тангараг өргөх ёслолд 20 орчим байгууллагын 61 төрийн албан хаагч оролцож, тангаргаа өргөсөн юм.
Энэ талаар НЗДТГ-ын Төрийн захиргааны удирдлагын газрын дарга Ү.Ганболд “Өнөөдөр нийслэлийн нутгийн захиргааны байгууллагуудын төрийн жинхэнэ албан тушаалд томилогдон, туршилтын хугацаанд ажиллаж, тухайн ажлын байранд тавигдах шаардлагыг хангасан 61 албан хаагч төрийн тангараг өргөлөө.
Төрийн жинхэнэ албан хаагчийн тангараг өргөснөөр төрдөө хоёргүй сэтгэлээр зүтгэж, чин шударгаар хариуцлагатай, санаачилгатай, өндөр ёс зүйтэй ажиллах үүрэгтэй болж байна” гэв.
Өнөөдөр тангаргаа өргөж, төрийн жинхэнэ албан хаагч болсон ажилтнууд сэтгэгдлээ хуваалцлаа.
Налайх дүүргийн 7 дугаар хорооны нийгмийн ажилтан С.Энхтуяа “Налайх дүүргийн 7 дугаар хорооны нийгмийн ажилтнаар зургаан сар ажиллаж байна.
Сар шинийн баярын өмнөхөн тангаргаа өргөж төрийн жинхэнэ албан хаагч болж байгаадаа баяртай байна” гэлээ.
СХД-ийн 29 дүгээр хорооны нийгмийн ажилтан Н.Баярмаа “Туршилтын хугацаанд ажиллаж, тухайн ажлын байранд тавигдах шаардлагыг хангаснаар өнөөдөр тангаргаа өргөлөө. Сэтгэгдэл маш өндөр байна.
Өнөөдөр тангараг өргөсөн төрийн жинхэнэ албан хаагч нартай баяр хүргэе” гэв.
НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС
0
0
0
0
0
0
0
0
