“Хасын Хүлэгүүд” 17 дахь хожлоо авч, “Налайх Бизон” хамгаалалтдаа анхаарна

Монголын Сагсан бөмбөгийн холбооноос зохион байгуулж буй үндэсний дээд лигийн тэмцээний плей-оффын маш чухал тоглолтууд үргэлжилж байна.

1 дүгээр сарын 14-ний өдөр буюу өчигдөр болсон гурван тоглолтыг тоймлон буулгаснаа хүргэж байна.

Өчигдөр буюу мягмар гарагт лигийн талбайд хамгийн эхний тоглолт “Дархан Юнайтед”, INUT YES TLG багуудын хооронд өрнөж 92-75 онооны харьцаатай “Дархан Юнайтед” өрсөлдөгчөө буулган авсан. Ингэснээр тэд улирлын 9 дэх хожлоо авч буй нь энэ юм.

Мөн эл өдрийн хамгийн оргил тоглолт “Хасын Хүлэгүүд”, “Налайх Бизон” багуудын хооронд өрнөсөн. Ингээд 95-100 онооны харьцаатай “Хасын Хүлэгүүд”-ийн хожлоор тоглолт өндөрлөн Хүлэгүүд 17 дахь хожлоо авч байна. Энэ тоглолт оргил үе нь эхний хоёр үед “Налайх Бизон”-д хожигдож явсан Хүлэгүүд тоглолтыг эргүүлэн гартаа авч хожлоор өндөрлүүлсэн ширүүхэн өрсөлдөөн байв.

Лигийн плей-оффын цувралыг “Хасын Хүлэгүүд” 17 хожилтойгоор тэргүүлж явна

Харин гурав дахь тоглолт “Сэлэнгэ Бодонс”, “Завхан Бродерс” багуудын хооронд болж, 87-108 онооны харьцаатай Бродерсын хожлоор өндөрлөн тэд улирлын 8 дахь хожлоо байгууллаа.

Бид “Хасын Хүлэгүүд” болон “Налайх Бизон” багуудын тоглолтын дараа тус хоёр багийн төлөөлөл тамирчидтай цөөн хором ярилцлаа.

“Хасын Хүлэгүүд” багийн төвийн тоглогч Жордан Толберт

Zeljko Vasiljevic дасгалжуулагч бол миний мэдэх хамгийн сайн дасгалжуулагч нарын нэг. Энэ нь тоглолтын бэлтгэл, хамгаалалтын тактик, бусад багийн тоглолтуудын тухай мэдлэг сайтай, ер нь тамирчдынхаа бэлтгэл тал дээр маш сайн анхаардаг харагддаг.

Тоглолтын эхэнд бид бага зэрэг бэрхшээлтэй тулгарсан ч харин удалгүй тоглолтоо жигдрүүлж, тоглолтыг өөрсдийн гартаа эргүүлэн авч, гайхалтай тоглолт үзүүлж чадсан. Бэлтгэлийн тал дээр манай баг шиг сайн бэлтгэдэг баг байхгүй байх. Тоглогчид маань бие биздээ, дасгалжуулагчдаа итгэж, тэвчээртэй байж тоглолтонд ямар ч үед бэлтгэлтэй байдаг.

-Тоглолт болон бэлтгэлээс бусад үед чөлөөт цагаа хэрхэн өнгөрүүлж байна вэ?

-Би тоглолт болон бэлтгэлээс бусад үед чөлөөт цагаараа Нэтфликсээс кино үзэж, олон ангит хоёр ч кино саяхан үзэж дуусгасан. Нэг нь Peaky blinders нөгөөх нь шатрын Queen’s Gambit олон ангит кино үзсэн. Чөлөөт цагаараа заримдаа кино үзээд, заримдаа унтаад л амарч байна даа.

Өдөр бүр идэж байгаа учраас монгол хоолонд дасаж байна. Цуйван, хуушуур, буузанд дуртай болсон.

“Налайх Бизон” багийн тоглогч Т.Санчир

Манай багийн хувьд саяны тоглолт дээр хамгаалалтан дээр алдлаа. Ерөнхийдөө манай баг хамгаалалтын алдаагаа засаж чадахгүй байгаад байна. Тэгээд энэ олон дараалсан хожигдлууд бол ерөөсөө л “хамгаалалт” гэж би харж байгаа.

Иймээс хамгаалалтан дээр нэлээд сайн ажиллах ёстой юм боловуу гэж харж байгаа. Довтолгоо бол ерөнхийдөө хоёр легионер дээрээ тулгуурлаад явчихаж болж байгаа учраас хамгаалалтан дээрээ л илүү сайн ажиллах ёстой юм боловуу гэж бодож байна даа.

Манай тоглолт бол ерөнхийдөө төлөвлөгөөний дагуу явж байгаа. Мэдээж хэрэг одоо плей-оффын байрлалын төлөө бүх тоглолт болгон чухал. Тийм болохоор дараа дараагийн тоглолтон дээр хожил авахын төлөө л хичээнэ дээ. Хамгийн бид нарын том алдаа бол ерөөсөө л хамгаалалт. Түрүүн хэлсэнчлэн хамгаалтан дээрээ л дараагийн тоглолт хүртэл дахин дахин ажиллана даа. Тэгээд хамгаалалтыг л маш сайн сайжруулж байж манайх хожил авч чадах байхаа гэж бодож байна.

Манай багийн бүрэлдэхүүний хувьд бол ер нь залуу бүрэлдэхүүн байгаа. Бас туршлага дутаж байгаа байх. Тэгээд дараа дараагийн тоглолтууд дээр алдаанаасаа суралцаад илүү сайжраад явах байх гэж найдаж байна, итгэж байна.

-Танай багийн хамгийн ойрын зорилго?

-Миний ойрын зорилго гэвэл манайх плей-оффын байрлалын төлөө тоглож байгаа. Хамгийн сүүлийн байранд явж байгаа. Байраа хоёр шатаар ахиулах хамгийн ойрын зорилго байна. Энэ зорилгоо тоглолт болгон дээр л анхаарна. Тэгээд дараа дараагийн тоглолтууд биш өмнөх тоглолт, дараагийн тоглолт гээд тухайн тоглолтынхоо өмнө л бид нар зорьсон зорилгынхоо төлөө л явна гэж хичээж байна даа.

Лигийн дараагийн тоглолт буюу пүрэв гарагийн хуваарийг танилцуулъя

• Нэгдүгээр сарын 16-нд буюу пүрэв гарагт МСБХ-ны Үндэсний Дээд Лигийн талбайд гурван тоглолт явагдана. Тус өдрийн оргил тоглолт BCH Knights болон SG Apes багуудын хооронд болно.
• Хоёр дахь тоглолт Zavkhan Brothers болон Darkhan United багуудын хооронд өрнөх юм.
• Эхний тоглолт Erdenet Miners болон INUT Yes TLG багуудын хооронд болох тус тус хуваарьтай байна.

Лигийн талбайд плей-оффт өрсөлдөж буй багуудын мэдээллийг хүргэе

• “Хасын Хүлэгүүд” 17-2
• “Сэлэнгэ Бодонс” 11-7
• “Бишрэлт Металл” 11-8
• “SG Apes” 9-8
• “Дархан Юнайтед” 9-8
• “BCH Knights” 9-9
• “Завхан Бродерс” 8-9
• “Эрдэнэт Майнерс” 6-12
• “INUT YES TLG” 5-13
• “Nalaikh Bison” 5-14

Нэмэлт мэдээлэл болгон хүргэхэд сагсан бөмбөгийн 2024-2025 оны үндэсний дээд лигийн “Бүх одод”-ын тоглолт хоёрдугаар сарын 8-9-ний өдрүүдэд болох товтой байгаа.

“Бүх Одод”-ын тоглолт хоёрдугаар сарын 7-8-ны өдрүүдэд болно.

Харин Азийн АШТ-ий урьдчилсан шатны маш чухал хариуцлагатай тоглолтыг 2 дугаар сарын 20-ны өдөр Гуамд зочлон хийх гэж буй шигшээ багийнхан ирэх сарын 10-ны өдрөөс нэгдсэн бэлтгэлдээ гарах ажээ.