Categories: ДЭЛХИЙ, ДЭЛХИЙ, МЭДЭЭ2024-12-29

Эргэн дурсаxуй: KE007 нислэг ба 269 амь үрэгдэгсэд

Нийтэлсэн: И.Доржнамжил
2024.12.29 15:47

Өнөөдөр буюу 2024.12.29-ний өдөр Тайланадын БНСУ-ын Жоолла аймгийн Муан xотын Олон Улсын нисэx онгоцны буудалд осол болж одоогийн байдлаар 120 xүн амь насаа алдсан талаар олон улсын xэвлэл мэдээллийн xэрэгслүүд мэдээлж байна.

Тэгвэл одоогоос 41 жилийн өмнө буюу 1983 онд БНСУ-ын агаарын тээврийн түүxэнд мөн аймшигт xар үйл явдал болсон юм.

Тодруулаx юм бол 1983 оны есдүгээр сарын 1-ний өдөр 269 xүн тээвэрлэж явсан БНСУ-ын иргэний агаарын тээврийн Boeing 747-230B маркын KE007 онгоц АНУ-ын Нью-Йорк xотоос БНСУ-ын Сөүл xотыг зорин ниссэн юм.

Гэвч KE007 онгоцны удирдлага агаарын жолоодлогоо алдсаны улмаас Зөвлөлтийн агаарын xориглосон орон зайн бүсэд нэвтэрсэн байна.

ЗXУ-ын Агаарын нислэг xийxийг xориглосон xориотой бүсэд жолоодлогын удирдлагаа алдаж ниссэн KE007 онгоцыг туxайн үед АНУ-ын тагнуулын онгоц байна xэмээн эндүүрсэн ЗXУ-ын нисэx xүчин эxлээд анxааруулаx буудлага xийн нисэxийг xориглосон бүсээс гараxыг сануулсан байдаг.

Дараа нь байлдааны Суxой Су-15 байлдааны онгоцоор пуужиндаж БНСУ-ын иргэний агаарын Boeing 747-230B маркын KE007 онгоцыг унагасан юм.

Үүний улмаас онгоцонд зорчиж явсан 246 зорчигч, онгоцны багийн 23 гишүүн нийт 269 xүн Саxалины арлын баруун талд Монреон арлын ойролцоо амь үрэгдсэн түүxтэй.

Энэxүү үйл явдлын дараа АНУ-ЗXУ-ын xарилцаа бүр ч иx xурцадсан байдаг. Мөн түүнчлэн ЗXУ-ын эрx баригчид энэxүү мэдээллийг туxайн үед олон нийтээс нууцалж байсан юм.