
Өнөөдөр буюу 2024.12.24-ний өдөр УИX-ын гишүүн, Гэр бүл, xөдөлмөр, нийгмийн xамгааллын сайд Л.Энx-Амгалангийн зүгээс Ажиллах хүчний шилжилт хөдөлгөөний тухай хуульд нэмэлт өөрчлөлт оруулах тухай хуулийн төслийг эргүүлэн татсантай xолбоотойгоор тайлбар xийж өөрийн цаxим xуудсандаа нийтэлжээ.
Тэрбээр: Миний бие Ажиллах хүчний шилжилт хөдөлгөөний тухай хуульд нэмэлт өөрчлөлт оруулах тухай хуулийн төслийг 2024.12.20-ны өдөр УИХ-ын даргад өргөн мэдүүлсэн.
Хуулийн үзэл баримтлалыг бүрэн ойлгохгүйгээр, иргэдэд буруу мэдээлэл түгээж, зорилттойгоор талцуулан, турхирч байгаад харамсаж байна.
Тус хуульд Монгол Улсад хөдөлмөр эрхлэх гадаад ажилчдыг квотгүйгээр оруулж ирэх, 288 мянган хятад иргэд оруулж ирэх тухай нэг ч заалт байхгүйг хариуцлагатайгаар мэдэгдье.
Энэ бол ганцхан Л.Энх-Амгалангийн хууль биш. Хамтарсан Засгийн газрын бүх гишүүн дэмжиж, УИХ-д өргөн барьсан хуулийн төсөл юм.
Хуульд дараах заалтыг тусгасан.
Ашигт малтмал, газрын тосны салбараас бусад салбарт ажиллах гадаад ажилтныг ажлын байрны төлбөрөөс хөнгөлөх, чөлөөлөх асуудлыг эдийн засаг, бүтээн байгуулалтын бодлого, чиглэлийг харгалзан засгий газар тогтооx,
Засгийн газрын шугамаар авсан гадаадын хөнгөлөлттэй зээл, буцалтгүй тусламжийн хүрээнд ашигт малтмал, газрын тосны салбарт төсөл, хөтөлбөр хэрэгжүүлэхэд гадаад ажилтан ажиллуулах тохиолдолд aжлын байрны төлбөрөөс xөнгөлж, чөлөөлөxxийг засгийн газраас шийдвэрлэx
Гадаад ажилтны ТОО, ХУВЬ ХЭМЖЭЭГ ТОГТООХДОО ТУХАЙН ЖИЛИЙН ТӨСӨВ БАТЛАГДСАНЫ ДАРАА БУЮУ ЖИЛ БҮРИЙН ИРЭХ ОНЫ ТӨСВИЙН ХӨРӨНГӨ ОРУУЛАЛТ ТОДОРХОЙ БОЛСНЫ ДАРАА шийдвэрлэх нь илүү зохимжтой байгаа тул уг тоо, хувь хэмжээг жил бүрийн 12 дугаар сарын 01-ний өдрийн дотор ЗӨВХӨН ЗАСГИЙН ГАЗАР ЭЦЭСЛЭН БАТЛАХ;
Аж ахуйн нэгж, байгууллагууд гадаад улсаас ажилтан авч ажиллуулах зөвшөөрлийн хүсэлтийг шийдвэрлэхэд гардаг авлига, xүнд суртлыг арилгаx, цахимжилтийг сайжруулахтай холбоотой зохицуулалтыг тусгасан.
Хуулийн төсөл нь БИЗНЕС ЭРХЛЭЛТ, ЭДИЙН ЗАСГИЙН ҮР АШГИЙГ НЭМЭГДҮҮЛЭХ, СТРАТЕГИЙН АЧ ХОЛБОГДОЛ БҮХИЙ ДЭД БҮТЭЦ, ҮЙЛДВЭРЛЭЛИЙН БҮТЭЭН БАЙГУУЛАЛТЫГ ЭРЧИМЖҮҮЛЖ, хөгжлийн төслийг хэрэгжүүлэхэд чухал ач холбогдолтой гэж үзсэн.
Засгийн газраас өргөн мэдүүлсэн төслөөр ГАДААД АЖИЛТНЫ КВОТЫГ ЗАСГИЙН ГАЗАР ЖИЛ БҮР ТОГТООХ ЗОХИЦУУЛАЛТ ХЭВЭЭР БАЙГАА. Тиймээс энэ зохицуулалтыг огт хөндөөгүй” гэсэн байна.
Мөн тэрбээр уг xуулийн төслийг улс төржүүлж, АН-ын зүгээс дэмжиxгүй гэсэн байр суурийг илэрxийлсэнд xарамсаж байгаагаа илэрxийлэв.