“J-Hope” нэгэн шинэ түүxийг бүтээв
Монголын Үндэсний Худалдаа Аж Үйлдвэрийн Танхимын XXII дугаар их хурал өнөөдөр болж байна. Тус хурлаас танхимын шинэ ерөнхийлөгчийг сонгох нөхөн сонгууль явагдах юм.
Энэхүү нөхөн сонгуульд өрсөлдөхөө илэрхийлээд байсан МҮХАҮТ-ын гүйцэтгэх захирал Т.Дүүрэн өчигдөр Авлигатай Тэмцэх Газраас баривчилсан байна.
Тэрээр өөрийн цахим хуудаст “Намайг үндэслэлгүй хэргээр гэнэт дуудаж 30 хоног таслан хорихоор боллоо. Миний бие өөрийн биеэр бус ч Танхимын нөхөн сонгуульд оролцох эрмэлзэлтэй байгааг үүгээр мэдэгдэж байна” хэмээн бичсэн.
Энэ нь МҮХАҮТ-ын Ерөнхийлөгчийн сонгуулийн өмнөх өдөр болсон нь олон нийтэд зохион байгуулалттай гэх хардлагыг төрүүлээд байсан юм.
Албаны эх сурвалжийн мэдээллээр, Т.Дүүрэнг мөрдөн шалгах ажиллагаа хийгдэж байсан бөгөөд Н.Цэрэнбатыг БОАЖ-ын сайдаар ажиллаж байх үед Т.Дүүрэн нь сайдын зөвлөхөөр ажиллаж байсан юм. Тухайн үед 3.5 тэрбум төгрөгийн гэрээг хуульд заасан шаардлага нөхцөлийг хангаагүй Герман улсын нэгэн компанитай байгуулсны улмаас Монгол Улсад 2.1 тэрбум төгрөгийн хохирол учруулсан гэмт хэрэгт санаатай нэгдэж оролцсон гэх хэрэгт шалгагдаж байжээ.
Тиймээс хуулийн байгууллагаас түүнийг эрүүгийн хэрэг үүсгэн яллагдагчаар татаж, улмаар Чингэлтэй дүүргийн Эрүүгийн хэргийн анхан шатны шүүхийн шүүгчийн захирамжаар 30 хоног цагдан хорихоор шийдвэрлэсэн байна.
Энэ талаар АТГ-аас тодруулахад “Эрүүгийн хэрэг үүсгэн шалгаж байгаа нь үнэн. Шүүхийн шийдвэрээр цагдан хорьж шалгаж байгаа. Прокурорын зөвшөөрөлгүй тул хэргийн талаар дэлгэрэнгүй мэдээлэл өгөх боломжгүй” гэв.
0
0
0
0
0
0
0
0
