Н.Номтойбаяр: Ц.Даваасүрэн төсвийн байнгын xорооны дарга xэвээр байвал өөрчлөлт гараxгүй
Цахилгаан дугуй, цахилгаан скүүтер, суррон зэрэгтэй явган хүний замаар хурдтай зорчих нь иргэдийн санааг зовоосон асуудлын нэг болоод байгаа бол дээрх унаатай хүмүүс машин замаар ямар ч хамгаалалтын хэрэгсэлгүй зорчих нь өөрийгөө хүндээр гэмтээх эрсдэлд оруулж байна.
Энэ төрлийн хэрэгслүүдэд зохицуулалт шаардлагатай
Энэ төрлийн хэрэгслүүд авто замын болон явган хүний замын хөдөлгөөнд хэрхэн оролцох талаар тодорхой зохицуулалт, журам байхгүйгээс олон эрсдэл үүсэж байна гэж үзэх иргэд цөөнгүй байна.
Мэс заслын эмч Ц.Оргил : Өдөрт 30, 40 гэмтлийн осол гарч байгаагаас дор хаяж 10 орчим нь хүүхдүүд байх жишээтэй. Тиймээс тодорхой хэмжээний зохицуулалт хэрэгтэй. Хоригло гэж байгаа юм биш шүү. Зохицуулах шаардлагатай зүйлс бий. Энэ төрлийн хэрэгслүүдийг өвөл ч хэрэглэх боломжтой. Тэгж байж түгжрэл багасна. Би ч мөн мопед унадаг. Машинтайгаа түгжирч өдрийн талыг алдахгүйн тулд ажлаа амжуулах үүднээс унадаг. Азийн бусад орнууд буюу Тайланд, Вьетнам, Солонгост иргэдийнх нь дийлэнх хувь нь цахилгаан скүүтер, мопед зэргийг хэрэглээд хэвшчихсэн байдаг. Тэр улсуудад 100 CC-гээс бага хүчин чадалтай бол бичиг баримт шаардахгүй тэр бүү хэл явган хүний замар явах хэрэгтэй байдаг. Гэтэл суррон, зарим төрлийн мопедууд 100 СС-ээс хавь илүү хучин чадалтай байдаг учир бичиг баримт шаардаж насны хязгаар тогтоох нь зүйтэй гэж бодож байна.
Оюутан Б.Ариунзаяа : Ээжтэйгээ хамт машинаар явж байхад энд тэндээс цахилгаан скүүтертэй эсвэл мопед, сурронтой хүмүүс гэнэт хурдтай гарч ирж сандаргадаг. Тэдгээр ихэвчлэн 10 жилийн сурагчид эсвэл миний үеийн залуус байдаг учир шаардлага тавьж зохицуулалт хийх нь зөв гэж үзэж байна
Иргэн З.Тэмүүлэн : Яарч сандарсан үед унаад явахад их хэрэг болдог. Явган хүний зам дээр хурдаа тохируулах нь чухал. Түүнээс гадна чихэвч зүүчхээд яваад байдаг нь л явга зам дээр ч тэр машин ам дээр ч тэр осол гаргах шалтгаан болоод байна уу гэж хардаг.
Иргэн Б.Энхтуяа : Над шиг хөл муутай хүнд явган хүний зам дээр сүлжилдэж давхилдаад байгаа энэ цахилгаан унаанууд нэлээн төвөг учруулах болсон. Тэглээ гээд хүмүүсийн ажил амьдралаа зохицуулж байгаа зүйлийг хоригло гэж хэлж байгаа юм биш. Энэ хүмүүсийн хэрэглээг дэмжиж, хэн хэнийх нь аюулгүй байдлыг бодолцох үүднээс дугуйн замыг нэмэгдүүлэх шаардлагатай гэж бодож байна. Түүнээс гадна энэ хэрэгслүүдийг унахад насны хязгаар тогтоох нь чухал болов уу.
“Нийслэлийн нутаг дэвсгэрт цахилгаан скүүтер, мопед ашиглах журам”-ын төсөлд өнгөрсөн хавраас эхлэн иргэдээс санал авч эхэлсэн. Уг журамд Сурроны хурд 80км/цаг хүрдэг тул мотоциклын ангилалд оруулж жолооны үнэмлэх шаардах ёстой гэжээ. Түүнээс гадна цахилгаан скүүтерийн дээд хурд 20км/цаг хүрдэг. Скүүтер жолоодож замын хаагуур зорчих, яаж явах зохицуулалт байдаггүй. Журмын төсөлд скүүтертэй хүн замын баруун талаар зорчих, явган хүний замаар зорчихдоо дээд хурдыг 10км/цагаас хэтрүүлэхгүй байх, гэрэл ойлгогчийг байрлуулах зэрэг заалтыг оруулж өгчээ.
Олон нийтээр хэлэлцүүлж буй уг журам ямар шатандаа яваа талаар хууль зүйн яамнаас тодруулахад: Уг журамтай холбоотойгоор хууль зүйн яам болон зам тээврийн яамны 2 сайдын тушаалаар ажлын хэсэг гарч ажилласан. Санал дүгнэлтээ замын хөдөлгөөний аюулгүй байдлын чиглэлийн байгууллагуудад танилцуулаад засгийн газарт өргөн барихаар ажиллаж байна. Энэ төрлийн тээврийн хэрэгслүүдийг замын хөдөлгөөнд оролцуулахад зохицуулалт хийх шаардлагатай учир ажлын хэсэг маань санал дүгнэлтээ холбогдох байгууллагуудад танилцуулах шатандаа явж байна. Эдгээр тээврийн хэрэгслийг зохицуулах асуудал нь нийслэлд л тулгамдаад байгаа асуудал юм. Бусад аймаг хотуудад харьцангуй бага хэрэглэгдэж байна. Хуулийнхаа хүрээнд нийслэл доторх харилцааг нийслэлийн засаг даргын захирамжаар зохицуулах боломжтой.
Ирэх оны 4 сараас Суррон-д улсын дугаар олгож, жолоодогчоос үнэмлэх шаардана
Тээврийн цагдаагийн албанаас цахилгаан скүүтер, цахилгаан дугуй, Суррон зэрэгт ямар зохицуулалт хийж талаар тодруулахад: Авто тээврийн үндэсний төвөөс Суррон гэдэг тээврийн хэрэгслийг мотоциклийн төрөлдөө оруулж өгч байгаа. Энэ 7 хоног дуусаад хүйтэрч байгаа учир цахилгаан скүүтер, цахилгаан дугуй,суррон, мотоцикл зэргийн хөдөлгөөнийг хязгаарлана. Хавар 4 сараас эхлээд эргээд замын хөдөлгөөнд орж эхлэх учир тэр үед нь сурроныг хил гаалиар орж ирэх үед улсын дугаар олгоно. Мөн жолооны үнэмлэх шаардана. Харин цахилгаан скүүтер, цахилгаан дугуй зэргийг жолоодоход 16 нас хүрсэн байх гэдэг шаардлагыг л тавих юм.
0
0
0
0
0
0
0
0
