Бурхан буудай уулын төрийн тахилга боллоо

Монголчууд бид хүйн холбоотой байгаль дэлхий, амин хэлхээтэй арван гурван Алтайдаа хүндэтгэл үзүүлж, бурхад бууж үгээ дайдаг Бурхан Буудай уулынхаа тэнгэрийг тайх төрийн ёслолыг анх удаагаа өргөн дэлгэр үйлдлээ.

Уул хайрханы тэнгэрийг тайх ёслол бол байгаль эхээ хайрлагч, төр ёсоо дээдлэгч нүүдэлчин монгол түмний минь түүх соёлын өв, төрт ёсны уламжлал шингэсэн эрхэм үнэт зүйл билээ. Бурхан буудай уулын төрийн тахилгад Монгол Улсын ерөнхийлөгч У.Хүрэлсүх, УИХ-ын дарга Д.Амарбаясгалан нар оролцжээ.