ОXУ-ын зүгээс Украин руу тив алгасаx Баллистик пуужин xарважээ
Тулгар төрийн 2233 жил, Их Монгол Улсын 818 жил, Үндэсний эрх чөлөө, тусгаар тогтнолоо сэргээн мандуулсны 113, Ардын хувьсгалын 103 жилийн ойн Үндэсний их баяр наадмын хүчит бөхийн барилдаанд эр бяр, уран барилдаанаараа наадамчин олныг цэнгүүлэн зодоглосон Баярсайханы Орхонбаяр гэж хэн бэ?
Сэлэнгэ аймгийн Цагааннуур сумын харьяат Баярсайханы Орхонбаяр нь 1998 оны 7 дугаар сарын 01-ний өдөр төржээ. Тэрээр 105 кг жинтэй, 182 см өндөр.
“Боохой” хэмээх улсын арслан Д.Данзангийн өлгий нутгийн хүчтэн “Таван хан” дэвжээний бөх тэрбээр 2019 онд Төрийн наадамд 21 насандаа анх удаа барилдахдаа улсын начин цол хүртэн, тухайн жил начин болсон хамгийн залуу бөхөд олгодог дааганы эзэн болж байв. Б.Орхонбаяр Дархан аварга Д.Дамдин, улсын арслан Ө.Эрдэнэ-Очир, улсын гарьд Ж.Бат-Эрдэнэ нарын найман бөхийн амжилтыг давтсан хүчтэн юм.
Тэрээр улсын баяр наадамд Даян аварга Н.Батсуурьтай хоёр дахь удаагаа учраа тааран барилдсан нь энэ юм. Ийнхүү Б.Орхонбаяр Төрийнхөө баяр наадамд хоёр дахь удаагаа үзүүрлэж байна.
Аймаг болон цэргийн наадмын дэвжээнд
2018 оны Сэлэнгэ аймгийн баяр наадамд аймгийн харцага Н.Энхжаргалаар найм даван түрүүлж “Аймгийн арслан” цол хүртсэн.
2019 оны Сэлэнгэ аймгийн баяр наадамд аймгийн арслан Н.Баярбаатараар найм даван түрүүлж “Аймгийн арслан” цолоо баталж “Хурц” чимэг нэмсэн.
Улсын наадмын дэвжээнд
2019 оны Ардын Хувьсгалын 98 жилийн ойн баяр наадамд улсын өсөх идэр начин Ч.Хөхчирэнгэрээр дөрөв, аймгийн арслан Ц.Сандагдоржтой тунан тав давж “Монгол улсын начин” цолыг хүртсэн.
2020 оны АХ-ын 99 жилийн ойн баяр наадамд улсын начин Б.Цэдэнсодномоор дөрөв, аймгийн арслан Д.Тогтохжаргалаар тав даван шөвгөрч начин цолоо батлан “Өсөх идэр” чимэг нэмсэн. Тус жил аймгийн арслан Б.Бат-Орших сэргээш хэрэглэсэн байсан тул 2021 онд давааг нь нөхөн олгож “Монгол улсын харцага” цолыг хүртсэн.
2022 оны АХ-ын 100,101 жилийн ойн баяр наадамд аймгийн арслан Д.Алтанцоожоор дөрөв, аймгийн арслан Д.Бадамгараваар тав, аймгийн арслан О.Цэцэнцэнгэлээр зургаа, улсын арслан Ц.Содномдоржоор долоо, улсын харцага Б.Бат-Өлзийгөөр найм, даян аварга Н.Батсууриар ес даван үзүүрлэж “Монгол улсын арслан” цол хүртсэн.
2023 оны Ардын Хувьсгалын 102 жилийн ойн баяр наадамд аймгийн арслан Д.Алтанцоожоор дөрөв, улсын заан Б.Батмөнхөөр тав давж чимэг нэмсэн.
2024 оны Ардын Хувьсгалын 103 жилийн ойн баяр наадамд 8 даван түрүү, үзүүр Даян аварга Н.Батсуурьтай булаалдан өвдөг шороодсоноор үзүүрлэв.
1
0
1
0
0
0
0
0
Orkgonbayar turuulsen shuu hudlaa hulhi huuramch abarga Batsuuri bailaa