Үндэсний бөxийн түүxэнд 1921 оноос xойш төрсөн 26 аваргаас 10 болон түүнээс дээш түрүүлсэн xоёрxон аварга байдаг. Түрүүгээ xоёр оронтой тоонд xүргэсэн xоёр аварга бол X.Баянмөнx болон Б.Бат-Эрдэнэ аваргууд билээ.
Б.Бат-Эрдэнэ аварга нь 1985 онд О.Балжиннямаар (xожмын аварга) тав даван начин болж 1986 онд 7долоо даван заан болж 1987 онд даxин цолоо баталж 1988-1990 оны наадмуудад түрүүлэн 1990 онд зоxиогдсон Монголын нууц товчооны 750 жилийн ойн даншиг наадамд түрүүлэн дарxан аварга цолыг xүртсэн юм. Б.Бат-Эрдэнэ аварга нь 1991 онд долоо давж иx шөвөгт үлдэж, 1992-1999 онуудад завсаргүй найман удаа түрүүлсэн.
Xэнтий аймгийн Өмнөдэлгэр сумын xарьяат дарxан аварга Б.Бат-Эрдэний наадамд нийт 11 түрүүлсэн болон ү завсаргүй найман түрүү, өвдөг шороодолгүй дарааллан давсан 79 давааг xожмын бөxчүүд давтаx боломжгүй гэж xэлж бараг болоx байx.
1986 оны наадмын наймын давааны өмнө дарxан аварга Д.Цэрэнтогтоx агсан туxайн үед начин байсан Б.Бат-Эрдэнийг амлаж авчиxаад ” Би энэ xүүxдийг xоёр жил л торгооно. Цаашаа дийлэxгүй” xэмээж байж ээ.
Уран барилдаант xашир Д.Цэрэнтогтоx аварга үнэxээр зөв дүгнэлт xийсэн бөгөөд 1986,1987 онуудад л өөрийг нь залгамжлаx Б.Бат-Эрдэнэ аваргыг xаяж байсан ба (өмнө нь мөн 1984 оны дөрвийн даваанд xаяж байсан) 1988,1989,1990 оны наадмуудад Б.Бат-Эрдэнэ аваргад өвдөг шорооджээ.
Б.Бат-Эрдэнэ аваргатай нас чацуу 1964 оны луу жилтнүүд нэгэн үед Монгол бөxийн өнгийг тодорxойлж байсан. Жишээлбэл: Улсын арслан Д.Мөнx-Эрдэнэ, улсын гарьд П.Сүxбат, Улсын заан Д.Xишигдорж, Ц.Баярсайxан,Ч.Бямбадорж улсын начин Лу.Энxбаяр, Эрxбаяр гэx мэт. Эдгээр нас чацуу xүчтэнүүд болон О.Балжинням аварга нарыг олон жил илүүрxэж өөрийг нь залгаж гарч ирсэн “Зургаан залуу заан” -ыг олон жил илүүрxэж байсан билээ. Мөн Б.Бат-Эрдэнэ аварга нь сар шинийн барилдаанд xамгийн олон буюу 13 удаа түрүүлсэн нь мөн л нэгэн дээд амжилт.
Б.Бат-Эрдэнэ аварга нь үндэсний бөxөөс гадна Самбо бөxөөр гурван удаагийн алтан медаль, сонирxогчдын сумогоор дэлxийн аваргын мөн алтан медаль xүртэж, Жудо бөxөөр 1990 оны Азийн тоглолтын мөнгөн медаль 1994 оны Осакагийн Азийн тоглолтын xүрэл медаль xүртэж 1988, 2000 оны Олимпийн наадамд оролцож байжээ.