Нэр дэвшигчид өглөөний алхалтаар мөрийн хөтөлбөрөө танилцуулж байна

Монгол Ардын Намаас УИХ-ын сонгуулийн 11 дүгээр тойрогт нэр дэвшигч Н.Алтаншагай өнөөдрийн уулзалтаа Сонгинохайрхан дүүргийн 27 дугаар хорооноос эхлүүлэн иргэдийн үгийг сонсож, намын мөрийн хөтөлбөрөө танилцуулан алхлаа.

Сонгинохайрхан дүүргийн 27 дугаар хороонд нийт 7500 гаруй иргэн оршин суудаг. Тус хороонд нутгийн захиргааны байгууллагууд байрладаг тул иргэдийн хөл хөдөлгөөн хамгийн их. Тиймээс үүнийг харгалзан Сонгинохайрхан дүүргийн Засаг дарга Н.АЛТАНШАГАЙН санаачилгаар Сонгинохайрхан дүүрэг болон Чингис Соосэ их сургуулийн автобусны буудал дээрх зөвшөөрөлгүй ТҮЦ-үүдийг чөлөөлж тус хоёр байршилд жишиг автобусны буудлыг байршуулсан.

Иргэд жишиг автобусны буудлыг сайшааж, ариг гамтай ашиглаж байгаагаа хэлж байлаа.