Categories: МЭДЭЭ, НИЙГЭМ2024-05-06

Танилц: Улаанбаатар олон улсын урлагийн наадамд оролцож буй уран бүтээлчид

Нийтэлсэн: И. Доржнамжил
2024.05.06 11:49

Монголын урлагийн зөвлөл (МУЗ) нь “Улаанбаатар” олон улсын медиа урлагийн наадмыг 9 дэх жилдээ “Харж буйдаа итгэхүй” сэдвийн дор 5-р сарын 07-ноос 19-нийг дуустал Монголын Уран Зургийн Галерей болон “Улаан гэр” галерейд зохион байгуулах гэж байна.

Наадамд оролцож буй олон улсын уран бүтээлчдийн танилцуулга, цагийн хуваарийн мэдээллийг хүргэж байна.

Куратор Инга Зайдлер (Герман)

Ирэх өдөр: 5-р сарын 3, Баасан гараг

Буцах өдөр: 5-р сарын 15, 10:10, Лхагва гараг

Инга Зайдлер нь Герман улсад амьдарч ажилладаг куратор, продюсер юм. Тэрээр сүүлийн жилүүдэд үзэсгэлэн, перформанс, илтгэлийн хөтөлбөрүүд болон дижитал төслүүд боловруулж продюсерээр бас куратороор ажиллажээ.

Инга Зайдлер цөөн жил Transmediale урлагийн фестивальд куратороор ажилласны дараа Schloss Solitude академийн Web Residency хөтөлбөрийг удирдан зохион байгуулсан юм. Үүнээс гадна, бие даасан төслийн орон зай болох ACUD MACHT NEU-тэй хамтардаг кураторуудын хамтын ажиллагааны хүрээнд COLLECTIVE PRACTICES хөтөлбөрийг эхлүүлсэн юм.

Инга Зайдлер нь Anorak E.V-ийн ТУЗ-ийн гишүүн ажилладаг бөгөөд хэд хэдэн зөвлөх хороо болон шүүгчдийн бүрэлдэхүүний гишүүн юм. Одоогийн байдлаар European Media Arts Festival (EMAF), Kasseler Dokfest болон Goethe Institute-ийн үзэсгэлэн болон хөтөлбөрүүд дээр ажиллаж байгаа.

Олон улсын уран бүтээлчид…

Ван Бо Янь (Тайвань)

Ирэх өдөр: 5-р сарын 7, 7:15, Мягмар гараг

Буцах өдөр: 5-р сарын 12, 8:45, Ням гараг

Ван Бо Янь бүтээлүүддээ 3D компьютер график ашиглан кино зургийн орчинг бүтээн, дотно харилцаа, эрх мэдэл, бие махбодь ба оршин буй ертөнцийн хоорондын харилцан уялдааг дүрслэн харуулдаг.

Чэнь Ю-Ронг (Тайвань)

Ирэх өдөр: 5-р сарын 4, Бямба гараг

Буцах өдөр: 5-р сарын 8, 8:40, Лхагва гараг

Чэнь Ю-Ронг Тайвань улсын Тайнань хотод ажиллаж амьдардаг мультимедиа уран бүтээлч ба орчин үеийн хөгжмийн зохиолч юм.

Ньевес дэ ла Фуэнте Гутьеррес (Испани)

Ирэх өдөр: 5-р сарын 6, Даваа гараг

Буцах өдөр: 5-р сарын 11, 8:45, Бямба гараг

Ньевес дэ ла Фуэнте Гутьеррэс уран бүтээлээрээ дамжуулан бодит болон виртуал орон зайг судалж, VR технологи болон мэдрэхүйн харилцан үйлчлэлийн системийг ашиглан, осмосын аргаар хүний харах болон харах бус өнцгийг хооронд нь холбоход оршдог. Ингэснээрээ хоёр өөр биетийн ой санамжийг холбох гүүр нь болж чаддаг.

Чю Чи Сэн (Тайвань) ба Марго Гийемо (Франц)

Ирэх өдөр: 5-р сарын 3, 16:45, Баасан гараг

Буцах өдөр: 5-р сарын 10, Баасан гараг

Чю Чи Сэн, Марго Гийемо нар нь Тайвань улсын, хамтарсан уран бүтээлчид юм. Тэд уран баримал, уран зураг, видео бүтээл, дижитал зураг болон өрөг урлаг зэрэг олон урлагийн төрлүүдийг ашиглан орон зай болон суурьшин буй хүмүүсийг нь илтгэн харуулахыг зорьдог.

Монгол уран бүтээлчид…

Э. Цагаанцоож

Э.Цагаанцоож нь уран баримал, өрөг, контемпорари гоёл чимэглэл болон видео чиглэлээр уран бүтээлүүдээ туурвидаг. Тэрээр бүтээлүүддээ гурван хэмжээст орон зай дахь үйл хөдлөл, хэмнэлийг харуулахыг зорьдог юм.

Г. Энх-Амар

Г. Энх-Амар нь программ хангамжийн инженер ба 2018 оноос хойш бүтээлч кодчиллын чиглэлээр олон төрлийн төслүүд санаачлан хэрэгжүүлсэн юм. Тэрээр бүтээлүүддээ аудио дүрслэл болон интерактив аргачлалыг ашигладаг.

Б. Бат-Эрдэнэ

Уран бүтээлч Бат-Эрдэнэ медиа өргөөр дагнан ажиллаж ирсэн Монголын анхдагч медиа уран бүтээлчдийн нэг юм. Тэрээр бүтээлдээ гэрэл болон видео эффект түлхүү ашигладаг онцлогтой.

Нохой ба Гахай төсөл (Г.Мөнхболор, Х.Одбилэг)

2024 онд “Нохой ба Гахай” төслийг медиа болон экспериментал бүтээлүүд дээр суурилан шинэ хэллэг бий болгох зорилгоор уран бүтээлч Г.Мөнхболор болон Х.Одбилэг нар санаачлан эхлүүлжээ. Уран бүтээлчид өөрсдийн төрсөн жилээрээ бэлгэдэн төслөө нэрийдсэн байна.

Ж.Анунаран

Ж.Анунаран нь үйлдлийн урлаг, видео, уран зураг, холимог медиа урлагийн чиглэлээр уран бүтээлээ туурвидаг контемпорари уран бүтээлч юм.

НААДМЫН ХӨТӨЛБӨР

Үзэсгэлэн: