“Pony Express” шуудан хүргэх системийг АНУ-д эхэлж байжээ
Өнөөдөр АНУ даяар нийт 15 мужид ерөнхийлөгчид нэр дэвшигчийг тодруулах анхан шатны сонгуулиуд зэрэг зохион байгуулагдаж байна. Уг өдрийг “Super Tuesday” буюу “Супер Мягмар гараг” гэдгээр нь олон нийт сайн мэднэ. Тодруулбал, 3-р сарын эхний долоо хоногийн мягмар гарагт Алабама, Аляска, Арканзас, Калифорни, Колорадо, Мэн, Массачусетс, Миннесота зэрэг 15 муж болон хилийн чанад дахь нутаг дэвсгэрийн статустай Самоа улсад анхан шатны сонгуулиуд зохион байгуулагддаг уламжлалтай. Аляскаг эс тооцвол бусад бүх мужуудад нь Бүгд Найрамдах болон Ардчилсан намынхан санал хураалтаа зохион байгуулна. Харин Самоад хаалттай буюу зөвхөн намын бүртгэлтэй хүмүүс оролцох санал хураалт зохион байгуулагдана. Санал хураалт болох газруудын байршил 6 өөр цагийн бүсэд байгаа тул санал хураалтын дүн бүгд нэг цагт хаагдахгүй. Тиймээс санал хураалтын дүнгүүд маргааш үдээс хойш эцсийн байдлаар гарч дуусах төлөвтэй байгаа юм. АНУ нь нийт 50 мужтай. Тиймээс анхан шатны сонгуулиуд 1-7 сар хүртэл нэлээд урт хугацаанд үргэлжилдэг. Хэдий тийм ч Супер мягмар гаргийн дараагаар ерөнхийдөө сонгуулийн хэтийн төлвийг таамаглахуйц болж ирлээ гэж шинжээчид үздэг байна. Одоогийн байдлаар ихэнх шинжээч, ажиглагчид Бүгд Найрамдах намаас Доналд Трамп, Ардчилсан намаас Жо Байденыг тус тус гарч ирнэ гэж таамаглаж байгаа. Жо Байдены хувьд намаасаа өрсөлдөгчгүй байгаа гэхэд хилсдэхээргүй байгаа. Өдийг хүртэл болсон анхан шатны сонгуулиудад бүгдэд нь ялалт байгуулсаар ирсэн. Харин Доналд Трампын хувьд Өмнөд Каролайн мужын амбан захирагч асан Никки Хэйлли чамгүй хүчтэй өрсөлдөгч нь болоод байгаа. Хэдийгээр өдийг хүртэлх болсон анхан шатны сонгуулиудад Доналд Трамп ялсаар байгаа ч Никки Хэйли эцсээ хүртэл бууж өгөхгүй хэмээн амлаад байгаа юм.
Эx Сурвалж: https://www.bbc.com/
0
0
0
0
0
0
0
0
