ЦАГ ХОЖИХ, ЗАМ ТОВЧЛОХ ЗЭРГЭЭР МӨСӨН ДЭЭГҮҮР ЯВАХГҮЙ БАЙХЫГ АНХААРУУЛЛАА
urug.mnСэтгүүлч: Админ
СЭРЭМЖЛҮҮЛЭГ 3 долоо хоног, 6 өдөр өмнө

urug.mn

urug.mn image

Он гарсаар Онцгой байдлын байгууллагад мөс цөмөрсөн дөрвөн удаагийн дуудлага, бүртгэгдэж, дуудлагын дагуу төв, орон нутгийн Онцгой байдлын байгууллагын алба хаагчид үүрэг гүйцэтгэн, тээврийн хэрэгслүүдийг татан гаргаж, есөн иргэний аюулгүй байдлыг ханган ажиллалаа.

Тухайлбал, Өчигдөр буюу 24-нд Өвөрхангай аймгийн Хархорин сумын Нарийн хүр багийн “Таван салаа” гэдэг газар “Орхон” голын мөсөн дээгүүр зорчиж явсан ачааны автомашин мөс цөмөрч суусан тухай дуудлагаар аймгийн Онцгой байдлын газрын Хархорин сум дахь Гал түймэр унтраах, аврах 45 дугаар ангийн алба хаагчид ажиллаж, “Hyundai Porter” загварын ачааны автомашин цөмөрч суусан байсныг татан гаргасан.

Гол мөрний нийт уртын дагууд мөсний зузаан харилцан адилгүй байгаа тул:

  • Цаг хожих, зам товчлох зэргээр мөсөн дээгүүр явах, авто тээвэр хийхгүй байх
  • Бага насны хүүхдийг гол, мөрөн, нуурын мөсөн дээр тоглуулахгүй бай
  • Аж ахуйн нэгж, байгууллагууд амралт зугаалгын арга хэмжээ зохион байгуулахгүй байж болзошгүй эрсдэлээс урьдчилан сэргийлэхийг анхааруулж байна.

 

0 сэтгэгдэл


Одоогоор сэтгэгдэл алга байна